1 Corinthians 3:18 - Ma Zhiklè

¹⁸ Ndo da peda ndav na a wi a ri na ɓai! Ndo ngiɗè te ndev kinè man a huro, a sun maya herkeda sata, da nde na a ndo nrzlaʼa, aman a ngècè maya.

Mofa New Testament

¹⁸ Ndo da peda ndav na a wi a ri na ɓai! Ndo ngiƋè te ndev kinè man a huro, a sun maya herkeda sata, da nde na a ndo nrzla'a, aman a ngècè maya.

1 Corinthians 3:18 ပူးပေါင်းရင်းမြစ်များ

Proverbes 26:12

Ndo man a hur a gada: i ndo maya – dara ndo nrzlaʼa.

Proverbes 3:5

Gso va a Ndo nzi pèc pècèk, a ndav ngaya tèlèba, ka gso va a maya ngaya ɓai!

Proverbes 3:7

Ka hur te ndav ngaya a ri ngaya ɓai a ka gada: i ndo maya. Gu zlau Ndo nzi pèc pècèk, a ka bezla na va ngaya auda a sam skwi man ambaɓai.

Proverbes 5:7

Anai a kra ga, tsena ma ga! Ka jèkeda njè-ma ga ɓai!

Esaie 44:20

Ndo ngshè va a mèrwèc, ndav nengaʼa ngworaʼa a zlakeda. A mbela nshèffè na ɓai, a hérè azɓai: gar skwi man i gshè va a vna, skwi ncèkèlma ɗè?

Esaie 5:21

Wobau a géɗ ndohi man ta gaɗa: nga ndohi maya, a ta fa va ta a ndohi maya.

Jérémie 37:9

Ndo nzi pèc pècèk a goɗ ar haha: Kin ngwode va kinè a ri kinè ɓai, a kin gaɗa: Ndohi Chaldée ta da jèke nga, a ta dè ta, ckè! Ta dè azɓai!

Jérémie 8:8

Kin gèɗ ma mè? Nga ndohi maya, ma nkwèr Ndo nzi pèc pècèk a zhè a sam nga; aman ndohi mwindè ɗèlèwèr ta ngwoda a ncèkèlma.

Matthew 13:22

Ngidè man a wusha a ndev vatakihai, nara ndo man a tsena maʼa, aman a hér gèɗ; ntètèkè skwi mèshèlè a skwi kumba a pèkèteda, a mpizlè na ma a pa, a yi wuda azɓai.

Matthew 18:4

Gar haha ndo man a manda gèɗ na a hi a ri na, a ndi a nkèshèʼa ara kra haha, nengaʼa mbiaʼa te kokwar-Bi-Zhi-klè.

Marc 10:15

A vava i gaɗa kinè: ko wawa man a cè kokwar Bi Zhiklè ara kra azɓai, a dè a pa azɓi fèt.

Luke 18:17

A vava, i gaɗa kinè: Ko wawa man a cè kokwar Bi Zhiklè ara kra azɓai, a dè a pa azɓai.

Luke 21:8

A nengaʼa a ngaɗa: Va-gu maya, ndo da pèkètèd kinè ɓai! Aman ta kumba ta da shkè a nzlembaɗ ga, a ta gaɗa: I nengaʼa, a patsa a zhè ndul ndul. Kin dzodzor ma tengaʼa ɓai!

Romans 11:25

Dalahimam ga, i woya aman kin sun skwi man nʼnghedaʼa, a kin dzodzor maya man kin ngotso a ri kinè ɓai: Reta Israel nʼngaʼa a mandazlai, ha pats man ndohi nte deɓa ta shkè a pa tèlèba.

Romans 12:16

Va-hur skwi a ndav staɗ. Kin woy mizlinè mbia genè ɓai, aman va-woy mizlinè nkèshè ba. Kin hur te ndav kinè a ri kinè ɓai a kin gaɗa: Nga ndohi maya.

1 Corinthians 15:33

Ndo da pe kinè a wi ɓai: Mandalahi ambaɓihiaʼa ta gedassa maya mbelaʼa.

1 Corinthians 3:17

Ndo man a gedèshè gi Zhiklè, Zhiklè a da gedèshè nengaʼa. Gi Zhiklè nkezlaʼa; kinè, nengaʼa.

1 Corinthians 4:10

Nga nrzlahiaʼa a géɗ Kristi, kinè ndohi maya te Kristi. Nga, wuɗi nga azɓai; kinè, wuɗi kinè a zhè. Kinè ndohi man ta slébèrdè kinè; nga, ta kwol nga.

1 Corinthians 6:9

Kin sun ɓi ɗè, ndohi nzura ka ɓai, ta ndi kokwar-Bi Zhiklè azɓai. Kin peda ndav kinè a wai a ri kinè ɓai! Ko ndohi mphömè, ko ndohi vrai, ndohi ngi ngwoz a dala, ko ndohi mphömè nguraʼa a nguraʼa,

Galates 6:3

Aman ndo ngiɗè a huro, i mbiaʼa, i fena ngiɗè, ko nengaʼa a pi va na a wai a ri na.

Galates 6:7

Kin pu va kinè a wi a ri kinè ɓai! Kin slaha kin mbèhwali a Zhiklè azɓai. Skwi man ndo a zlekiaʼa, a di a ɓicèʼa.

Ephésiens 5:6

Ndo da pe kinè a wi a ma ambali ɓai. Aman a géɗ skwi haha ndzoan Zhiklè a shkè a géɗ ndohai man ta fi gèɗ a ma Zhiklè azɓai.

2 Timothy 3:13

Aman ndohi ambaɓihiaʼa a ndohi ncèkèlma ta gi ambaɓi holholaʼa a ma ma. Ta pi ndohi a wai, a ndohi ngiɗè ta pe ta tengaʼa a wai.

Titus 3:3

Aman nga ba halaʼa maya nga azɓai, nga fi gèɗ a ma ndo azɓai, nga zlak nga, nga gu ɓèl skwi haha a ntétékè tsaɗ tsaɗ, a nga gu ndzoan a srak, ngiɗè a woy ngiɗè ɓai, ndohi ngiɗè ta ga nga shèwa, a nga ba nga gu shèwa a ndohi ngiɗè.

Jacques 1:22

Va-gu ara man ma Zhiklè a gaɗa kinè; kin tsena a zlembaɗ genè ka ɓai, man ɓai kin zlakeda va kinè a ri kinè.

Jacques 1:26

Ndo man a huro a jèjèr Bi Zhiklè, aman a jèwè nèʼèn nengaʼa azɓai, a pi ndav na a wi a ri na; njèjèr Zhiklè nengaʼa, skwa ambalai.

1 John 1:8

Aman nga gaɗa, mali nga azɓai, nga pi va nga a wai a ri nga, a ma nzuraʼa a te ndav nga ɓai.