‑Yrɛ 6:10 - -JAN ꞌNRALE- ꞌSƐWƐ

¹⁰ 'Bhɛ mu ‑pɛɛnna 'eglɔɔle 'ke ‑wa pe dɔɔ: «'O Zan ‑glɔɔ 'pegee 'o Zan 'weŋ, 'bhɛɛ‑ 'o Zan wlan, 'trɛ ta mu 'la ‑woo' 'o ꞊dia, 'e nu ‑kpan baalɛ 'mu ta 'o dɛza 'ɛ ‑zigo' zayi' 'waati 'ɛ ‑dela ba ɛɛ?»

‑Yrɛ 6:10 ပူးပေါင်းရင်းမြစ်များ

‑Yrɛ 19:2

‑Amasrɔyi, ‑e 'kitikan wlan ma, 'bhɛ 'pegee ‑lɛdɔɔleya ‑la ma! ‑E ‑kpan ‑balaa' 'gwlɛn ‑wɛɛ le 'la 'yaa‑ 'trɛ ta mɛɛ mu 'ɛ 'siɛ zii' 'ke 'bhɛ a ‑yanbhɔɔya 'flɛn 'ɛ 'le 'bhɛ ta, 'bhɛɛ‑ ‑Waanbhaa' 'a 'krowoa‑ 'bhɛ a yewonɛ mu 'ɛ dɛza 'yi.»

‑Yrɛ 11:18

'Trɛ ta 'si mu 'ɛ ‑woo zrupliila, 'duŋ‑ 'bhi a pɛ yran yi 'ɛ ꞊bhwa. Gbaa mu 'kitikan yi 'ɛ ꞊bhwa. 'Yaa‑ yewonɛ mu 'la 'ke ‑woo 'e 'lɛla‑ ‑janwo' mu 'le, 'bhɛɛ‑ 'yaa‑ mɛɛ 'weŋ mu 'ɛ, 'bhɛ 'pegee mɛɛ 'la zan mu gblaan 'e 'lɛɛ; 'ke ‑o ‑kla mɛɛ gblaan mu 'le oo, 'ke ‑o ‑kla ‑nɛ 'fiɛntrɔnnɛ mu 'le oo, ‑o 'kpɛn klɛza mu 'ɛ ma ‑sra 'na yi 'ɛ ꞊bhwa. Mɛɛ 'la zan mu 'trɛ ta mu 'ɛ siɛ, 'bhɛ zan mu 'siɛ yi 'ɛ ꞊bhwa 'ezin‑.»

Romɛ 12:19

'Ŋ 'yiɛnii mu, 'ke mɛɛ do ‑za 'yɔɔ‑ ꞊kla 'ka ni, 'ka 'laa 'bhɛ ‑zigoyrɛ ‑glinlɛ' 'bhɛ zan 'ɛ ma. ‑Ka 'kaa‑ ‑za ‑zigole 'ɛ 'to ‑Waanbhaa' 'kɔɔ. ‑Amasrɔyi ‑a yɔɔndɛle ‑o ‑yaa' 'Sɛwɛ 'ɛ 'yi dɔɔ: «'Mi Mɛɛzan ‑Waanbhaa' pe dɔɔ 'mi ‑le nu 'kaa‑ ‑za mu 'ɛ ‑zigolɛ, 'mi 'gbu ‑le nu ‑waa' ‑za 'yɔɔ‑ mu 'ɛ 'wlata‑ ‑sra 'nalɛ‑ ‑o ni.»

‑Yrɛ 3:7

«‑Jan 'lɛɛ‑ yɔɔndɛ, 'bhɛɛ‑ 'ya kpa Zesu 'yi mu ‑lɛdo' 'la ‑woo Filadɛlifi ‑wa 'ɛ ta ‑waa' ‑mlɛkɛ' 'ɛ ni, 'bhɛɛ‑ 'ya pe a ni dɔɔ: Mɛɛ 'la zan ‑o 'weŋ, 'bhɛɛ‑ 'ke ‑yoo 'ke wlan zan 'le bhe. 'Yee‑ 'la 'ke ‑bhleŋgbe Davidi a 'fɛ 'lii 'gborobhɛ 'ɛ ‑ya 'kɔɔ bhe. 'Yee‑ 'la 'kee‑ 'fɛ 'ɛ 'liigwa‑, 'bhɛɛ‑ mɛɛ 'kedo‑ 'kpɔ 'laa sɔ ‑a ‑liitanle; 'bhɛɛ‑ 'ke ‑ya ‑liitaan mɛɛ 'kedo‑ 'kpɔ 'laa sɔ ‑a ‑liigole ‑titi, ‑e pe dɔɔ:

Luki 21:22

‑Amasrɔyi, ‑Waanbhaa' nu 'bhɛ yi mu 'ɛ klɛlɛ ‑yrɛnkpa' yi ‑gbɛnɛ mu 'le bhaaplɛŋ mu ta; 'kooko‑ ‑Waanbhaa' ‑lɛla' janwo mu 'ɛ ‑jan mu 'la ꞊woa 'elwale gban ‑sɔ 'mu 'lɛsɔ‑.

‑Yrɛ 18:20

'Duŋ‑ 'ka mu laflɛ' 'yi mu, 'ka zrukpaale klɛ! ‑Waanbhaa' a mɛɛ 'weŋ mu oo, Krisi a winbɔwo mu oo, 'bhɛ 'pegee ‑Waanbhaa' ‑lɛla' janwo mu, 'ka 'kpɛn zrukpaale klɛ 'ezin‑! ‑Amasrɔyi ‑Waanbhaa' a ‑kpan 'ɛ ‑balaa' Babilɔni ‑wa ‑gbɛnɛ 'ɛ ta, ‑e ‑za 'yɔɔ‑ mu 'la ꞊kla 'ka ni 'mu ‑zayi'!

‑Yrɛ 18:24

'Bhɛ trala 'ezin‑, ‑amasrɔyi ‑o ‑Waanbhaa' ‑lɛla' janwo mu, 'pegee ‑o ‑yaa' mɛɛ 'weŋ mu 'la ꞊dia, ‑o mɛɛ 'la zan mu 'kpɛn ꞊dia 'trɛ ta, 'mu 'kpɛn yiɛn 'ɛ ‑klalaa' 'trɛ ma 'bhi ‑la ba.

‑Yrɛ 3:10

‑Amasrɔyi 'e 'mi a pɛ ‑yrɛn 'yikun ma jan 'ɛ 'klɔsikwan, 'bhɛla‑ ‑yile ‑yrɛn 'la ‑yoo zan baalɛ 'drunyan 'yi mu 'ɛ ta ‑o zrubaglin zayi', 'mi nu 'ŋ gbɛkpalɛ 'e ta 'bhɛ 'waati 'ɛ ba.

Ebre 12:24

'Ka 'ka 'mabɛɛnna 'ezin‑ Zesu ‑la ‑din; 'yele‑ ‑bhoolaya drɛɛ 'ɛ ta ‑Waanbhaa' 'pegee bhaaplɛŋ mu pleŋ‑ mi 'le. 'Bhɛɛ‑ 'ka 'ka 'mabɛɛnna ‑a yiɛn 'la 'klalaa‑ 'bhɛɛ‑ ‑din. 'Bhɛ yiɛn 'ɛ ꞊klaa win 'ɛ mabhaabhɔ Abɛli a pɛ 'ɛ ta.

Luki 2:29

«Mɛɛzan ‑Waanbhaa', ‑a 'to 'ke 'yaa‑ yewonɛ 'ɛ ‑yaa' pɛ 'trɛ ta yan yi 'ɛ bhɔ ‑a ma 'edɔɔle; ‑amasrɔyi 'yee‑ 'liiwli‑ 'la ꞊naa 'o ni 'bhɛ 'kla‑ wlan 'le ‑zɔn.

2 Piɛri 2:1

'Elwaleta, bhla ma ‑Waanbhaa' ‑lɛla' janwo mu ‑yaa Izraɛli mɛɛ mu 'ɛ 'pleŋ‑ gɔnɛ‑ 'la gbɛɛn‑, 'bhɛ klɛgbɛya do 'kpɔ 'ɛ 'yi, bhla ma mɛɛ daan mu nu ‑wlɛnlɛ' 'ka 'pleŋ‑ 'bhɛɛ‑ gbɛɛn‑ 'ezin‑. ‑O nu ‑dawli' 'kpalɛ‑ 'ka gbɛ ta, 'bhɛɛ‑ ‑o nu wlalɛ 'ka 'pleŋ‑ 'ke bhla ma mɛɛ daangbɛya mu 'le, 'bhɛɛ‑ ‑o 'ka 'siɛ‑. Zesu 'la 'bhɛ ‑o Mɛɛzan 'le 'bhɛɛ‑ 'ke 'bhɛ ‑o tagbawoa, ‑o nu ‑o ‑baŋgolɛ 'bhɛ 'yi. 'Bhɛ 'yi bhe, ‑o 'gbu 'siɛ ‑yrɛn nu baalɛ ‑o 'gbu ta blaale‑, 'bhɛɛ‑ 'bhɛ ‑o siɛ.