‑Yrɛ 18:8 - -JAN ꞌNRALE- ꞌSƐWƐ

⁸ 'Bhɛla‑ ‑zayile, ‑klɔlɔɔ' mu 'lɛɛ‑ 'mu nu baalɛ ‑a ta ‑lɛyan' do 'kpɔ: Ga 'pegee bhee la za, 'bhɛɛ‑ ‑gu. 'Bhɛɛ‑ 'tɛ nu ‑a 'kpacielɛ, ‑amasrɔyi Mɛɛzan ‑Waanbhaa' 'la 'bhɛ a ‑kpan 'a ‑balaa' 'a ta 'bhɛ ‑o 'eglɔɔle.»

‑Yrɛ 18:8 ပူးပေါင်းရင်းမြစ်များ

‑Yrɛ 17:16

'E wi ‑mlɛ vu 'la ꞊ya gwlɛn ‑wɛɛ le 'ɛ vɛn nu 'silɛ‑ 'mu 'pegee srɔpɛ 'ɛ yin 'lii. ‑O nu ‑a 'kɔɔpɛ‑ mu 'ɛ 'kpɛn 'kunlɛ‑, 'bhɛɛ‑ ‑wa tafleŋ‑ balaa'. 'Mu nu ‑a dɛlɛ, 'bhɛɛ‑ ‑wa 'flɛ 'ɛ bhle, 'bhɛɛ‑ ‑o nu ‑a 'flɛ ‑vin 'ɛ 'kpaciɛlɛ 'tɛ 'yi.

‑Yrɛ 18:19

'Bhɛɛ‑ ‑o 'trɛbwe‑ ꞊sia, 'ke ‑o 'bhɛ 'klale ‑o wiiŋ‑, 'bhɛɛ‑ 'ke ‑o wisile 'ke ‑o ‑gbekan' 'bhii ‑woo bhee ‑la, 'ke ‑wa pe dɔɔ: «'Ee ‑klɔlɔɔ' maza! 'Ee ‑klɔlɔɔ' maza! 'Yee‑ ‑wa ‑gbɛnɛ 'lɛɛ‑ 'yela‑ ta 'bhɛɛ‑ ‑batoŋ' mu ‑o mɛɛ 'la zan mu 'kpɛn 'kɔɔ wɛyi‑ ta, 'mu ꞊kla 'ke pɛzan mu 'le. 'Duŋ‑ 'yee‑ ‑wa 'ɛ 'siɛla‑ ‑lɛyan' do 'kpɔ.»

1 Korɛnti 10:22

Taa‑ 'ka ‑o ‑a zi 'bhii‑ 'ka Mɛɛzan a zran 'ɛ 'lawlɛn‑ ɛɛ? 'Ka 'kpee ma, ‑kɔɔa' pɛ faŋgan‑ 'ɛ 'yiya‑ ‑yaa' pɛ faŋgan‑ 'ɛ ni ɛɛ?

‑Yrɛ 19:3

'Bhɛ blaan, 'ke ‑wa pe gbɛ plɛ mi wole‑ 'ezin‑ dɔɔ: «Aleluya! ‑Ka ‑Waanbhaa' 'tɔbhɔ ma 'srokpa! Babilɔni ‑wa 'ɛ 'kpacieyrɛ nɔɔ‑ 'tɛ ‑gblɛn 'ɛ nu ‑wlɛnlɛ' ‑zɔn 'pegee yikpɛnsee ta!»

‑Yrɛ 18:17

'Bhɛ ‑naflo ‑bebe mu 'la bhe 'mu 'kpɛn 'siɛla‑ ‑lɛyan' do 'kpɔ!» ‑Batoŋ' 'bhɔ mu 'ɛ 'kpɛn, 'bhɛ 'pegee wɛyi‑ 'taa ta ge mu 'ɛ 'kpɛn, 'bhɛɛ‑ ‑batoŋ' 'yi yewo mu 'ɛ, 'bhɛ 'pegee mɛɛ 'la zan mu 'kpɛn yewo wɛyi‑ ta; ‑o 'kpɛn ‑o pleŋgwa‑ Babilɔni ‑wa 'ɛ ma 'egbɔɔnle.

‑Yrɛ 17:18

«'E le 'la ꞊ya bhe, 'bhɛ ‑le 'ke ‑wa ‑gbɛnɛ 'la ‑yaa' faŋgan‑ 'ɛ 'kpaale‑ ‑o 'trɛ ta ‑bhleŋgbe mu 'ɛ 'kpɛn 'wiiŋ‑ 'bhɛ 'le.»

‑Yrɛ 11:17

'Ke ‑wa pe dɔɔ: «Mɛɛzan ‑Waanbhaa', 'Seŋkpɛnzan, 'bhi 'la 'bhi ‑o 'e 'yrɛ ma ‑zɔn, 'bhɛ 'pegee 'e 'yaa‑ 'e 'yrɛ ma 'elwale gban ‑sɔ. 'Woo 'e 'pubɔ‑ 'yaa‑ ‑glɔɔya' ‑gbɛnɛ 'ɛ ma, 'bhɛ 'pegee 'yaa‑ ‑bhleŋgbeya 'ɛ ‑zayi'.