‑Yrɛ 18:10 - -JAN ꞌNRALE- ꞌSƐWƐ

¹⁰ ‑O ‑gblaanlawo zii' ‑a ta ‑yrɛn ‑gbɛnɛ 'ɛ 'lɛɛ, ‑o nu dulalɛ 'egbɔɔnle ‑a ma, 'ke ‑wa pe dɔɔ: «'Ee ‑klɔlɔɔ' maza! 'Ee ‑klɔlɔɔ' maza! 'Ee, 'waa‑ ‑wa ‑gbɛnɛ Babilɔni 'ɛ, faŋgan‑ ma ‑wa 'ɛ! ‑Waanbhaa' a ‑kpan 'ɛ ‑balaa' 'e ta ‑lɛyan' do 'kpɔ 'bhɛɛ‑ gbɛɛn‑ ‑gee' ɛɛ!»

‑Yrɛ 18:10 ပူးပေါင်းရင်းမြစ်များ

‑Yrɛ 18:19

'Bhɛɛ‑ ‑o 'trɛbwe‑ ꞊sia, 'ke ‑o 'bhɛ 'klale ‑o wiiŋ‑, 'bhɛɛ‑ 'ke ‑o wisile 'ke ‑o ‑gbekan' 'bhii ‑woo bhee ‑la, 'ke ‑wa pe dɔɔ: «'Ee ‑klɔlɔɔ' maza! 'Ee ‑klɔlɔɔ' maza! 'Yee‑ ‑wa ‑gbɛnɛ 'lɛɛ‑ 'yela‑ ta 'bhɛɛ‑ ‑batoŋ' mu ‑o mɛɛ 'la zan mu 'kpɛn 'kɔɔ wɛyi‑ ta, 'mu ꞊kla 'ke pɛzan mu 'le. 'Duŋ‑ 'yee‑ ‑wa 'ɛ 'siɛla‑ ‑lɛyan' do 'kpɔ.»

‑Yrɛ 18:8

'Bhɛla‑ ‑zayile, ‑klɔlɔɔ' mu 'lɛɛ‑ 'mu nu baalɛ ‑a ta ‑lɛyan' do 'kpɔ: Ga 'pegee bhee la za, 'bhɛɛ‑ ‑gu. 'Bhɛɛ‑ 'tɛ nu ‑a 'kpacielɛ, ‑amasrɔyi Mɛɛzan ‑Waanbhaa' 'la 'bhɛ a ‑kpan 'a ‑balaa' 'a ta 'bhɛ ‑o 'eglɔɔle.»

‑Yrɛ 14:8

'Bhɛ blaan, 'ke ‑mlɛkɛ' plɛ mi do dɔle‑ ‑a ‑lwa mi 'ɛ zi, 'bhɛɛ‑ 'bhɛ 'yaa‑ pe 'zi dɔɔ: «‑E ‑balaa', ‑e ‑balaa'! Babilɔni ‑wa ‑gbɛnɛ 'ɛ ‑balaa'! 'Yele‑ ‑yaa' 'gwlɛn ‑glinza' 'flɛn 'ɛ dɔ 'klɛɛn 'kpɛn 'yi mu 'ɛ ma. 'Bhɛ 'gwlɛn ‑glinza' 'flɛn 'ɛ 'yaa‑ 'bhii‑ ‑e ‑wɛɛn ‑glɔɔ ꞊naa ‑o 'kpɛn ni, 'bhɛɛ‑ 'bhɛ ‑o ꞊dia.»

‑Yrɛ 17:12

«'E ‑mlɛ vu 'la ꞊ya, 'mu ‑le 'ke ‑bhleŋgbe vu 'la 'mu laa yaalɛ ‑li 'mu a ‑bhleŋgbeya yaayrɛ 'ɛ ꞊nɔɔ; 'duŋ‑ ‑o nu 'seŋ 'nalɛ‑ ‑o ni, 'bhɛɛ‑ ‑o yalaa' ‑bhleŋgbeya 'yi 'waati sa ba ‑o 'pegee srɔpɛ 'ɛ 'le.

‑Yrɛ 11:8

‑O gbaa mu 'ɛ 'kpaale‑ nu bolɛ ‑zabla' ‑kpan 'ɛ ta ‑wa ‑gbɛnɛ 'ɛ 'kpee, ‑o Mɛɛzan ‑gbaanna ‑yrigbɛɛle 'ɛ ta yrɛ 'la ꞊nɔɔ bhe. ‑O sɔ 'yee‑ ‑wa 'ɛ 'kpale Sodɔmu ‑wa 'ɛ ma 'bhɛ 'pegee Ezipu 'klɛɛn 'ɛ ma ‑Waanbhaa' a pɛ zi 'ɛ zi, 'woo‑ mɛɛ mu 'ɛ klɛza ‑yɔɔ' mu 'ɛ ma.

‑Yrɛ 16:19

'Bhɛ klɛle 'tɛ, 'ke ‑wa ‑gbɛnɛ 'ɛ 'wile, 'bhɛɛ‑ 'ke ‑a ‑yiciɛnle ‑lɛ yaga; 'bhɛɛ‑ 'klɛɛn mu 'ɛ 'yi ‑wa mu 'ɛ 'klalaa‑. Babilɔni ‑wa ‑gbɛnɛ 'ɛ ‑zadwa ‑Waanbhaa' 'kpee 'tɛ. ‑E ‑yaa' yran ‑gbɛnɛ 'ɛ ꞊klaa 'yee‑ ‑wa 'ɛ ta mu 'ɛ ta.

‑Yrɛ 18:18

‑O ‑wa 'ɛ 'kpacie 'tɛgblɛn‑ 'ɛ 'yele‑, 'ke ‑wa pele‑ 'eglɔɔle dɔɔ: «'Ee! ‑O sɔ ‑wa 'ɛ ‑dela gblaanya 'kpale Babilɔni ‑wa 'ɛ ma ɛɛ?»

‑Yrɛ 18:21

'Bhɛ klɛle 'tɛ, 'ke ‑mlɛkɛ' ‑glɔɔ do vlɛ ‑kpuŋ ‑gbɛnɛ do 'sile, 'bhɛ 'yaa‑ 'bhii‑ pɛbhɛ zɔn ‑wee ‑gbɛnɛ do gbɛɛn‑. ‑E 'bhɛ vlɛ ‑kpuŋ ‑gbɛnɛ 'ɛ 'silawoa, 'kee‑ 'bhɛ blinle‑ wɛyi‑ 'ɛ ba 'ke ‑ya pele‑ dɔɔ: «‑O nu Babilɔni ‑wa ‑gbɛnɛ 'ɛ 'klaalɛ‑ ‑lɛyan' do 'kpɔ faŋgan‑ ma gɔnɛ‑ 'lɛɛ‑ 'bhɛɛ‑ gbɛɛn‑ ‑gee' ‑a ma, 'bhɛɛ‑ waa nu ‑a yelɛ ‑li 'sekeseke.