‑Yrɛ 15:4 - -JAN ꞌNRALE- ꞌSƐWƐ

⁴ Mɛɛzan, ‑dele sɔ a pele‑ dɔɔ 'bhɛ 'laa gblaan 'e 'lɛɛ, 'bhɛɛ‑ yaa 'e 'tɔbhɔ‑ ɛɛ? ‑Amasrɔyi, 'bhi ‑la do ‑kplɛn 'kpɔ ‑o 'weŋ, 'klɛɛn 'ɛ 'kpɛn yi mu nu nulɛ ‑o 'kpɔ zɛnlɛ 'e 'lɛɛ, 'bhɛɛ‑ ‑woo 'e gba. ‑Amasrɔyi mɔkpɛn' 'a ꞊ya 'bhii‑ 'yaa‑ 'kitikangbɛya mu 'ɛ 'lɛdɔɔle ‑o.»

‑Yrɛ 15:4 ပူးပေါင်းရင်းမြစ်များ

‑Yrɛ 11:15

'Bhɛ blaan, 'ke ‑mlɛkɛ' 'srwaplɛ‑ mi 'ɛ 'bhɛ 'bhɛ a ‑klɛloŋ' 'ɛ 'pɛnle. 'Bhɛ klɛle 'tɛ, 'ke ‑weli' ‑glɔɔ mu dale‑ laflɛ' 'yi 'ke ‑wa pe dɔɔ: «Mɛɛzan ‑Waanbhaa' 'pegee ‑e mɛɛ 'la zan makwan‑, *Krisi 'ɛ, ‑waa pɛ ‑le 'ke 'drunyan ta ‑bhleŋgbeya 'ɛ 'le. ‑E nu yaalɛ 'drunyan 'ɛ ta 'bhii‑ ‑bhleŋgbe ‑zɔn 'pegee yikpɛnsee ta!»

‑Yrɛ 14:7

‑E ‑yaa pe 'zi 'eglɔɔle dɔɔ: «‑Ka ‑gblaan' ‑Waanbhaa' ‑lɛɛ, 'bhɛɛ‑ ‑ka 'tɔbhɔleya na ‑a ni! ‑Amasrɔyi ‑yaa 'kitikan yi 'ɛ ꞊bhwa. ‑Ka 'ka 'kpɔ zɛn ‑Waanbhaa' ‑lɛɛ, 'bhɛɛ‑ ‑kaa gba, 'yele‑ laflɛ' 'pegee 'trɛ, 'bhɛɛ‑ wɛyi‑ 'pegee tɔ ŋgblo mu 'ɛ 'kpɛn ꞊kla.»

‑Yrɛ 4:8

'Woo‑ pɛ ‑yrɛ male yiziɛ 'ɛ, ‑o 'kpɛn do do gbɛŋroŋ‑ ‑yaa 'srwado‑; 'bhɛɛ‑ ‑o ‑yrɛbhɛ' mu 'ɛ 'mliŋgole ‑yaa ‑o zi yrɛkpɛn‑ ꞊nɔɔ, 'bhɛ 'pegee ‑o gbɛŋroŋ‑ mu 'ɛ ꞊la. ‑Yrekpaa' 'pegee ‑bi zi oo, ‑o ‑yaa bo ‑a pele ma dɔɔ: «Mɛɛzan ‑Waanbhaa' 'Seŋkpɛnzan, ‑yoo 'weŋ, ‑yoo 'weŋ, ‑yoo 'weŋ. 'E 'yaa‑ 'elwale gban ‑sɔ, 'bhɛɛ‑ ‑yoo ‑zɔn, 'bhɛɛ‑ ‑yoo zan nulɛ!»

1 Piɛri 1:16

Wlan 'ɛ ni, ‑a yɔɔndɛle ‑o ‑Waanbhaa' a 'Sɛwɛ 'ɛ 'yi dɔɔ: «‑Ka klɛ 'weŋ, ‑amasrɔyi 'mi ‑o 'weŋ.»

‑Yrɛ 16:7

'Ŋ ‑weli' do ꞊maa 'ke 'bhɛ da *'srakagoyrɛ 'ɛ ꞊nɔɔ, 'bhɛɛ‑ 'bhɛ 'yaa‑ ‑a pe 'zi dɔɔ: «'E! Mɛɛzan ‑Waanbhaa', 'Seŋkpɛnzan, 'yaa‑ 'kiti mu 'ɛ ‑woo wlan ma, 'bhɛɛ‑ ‑o ‑lɛdɔɔle ‑o!»

‑Yrɛ 19:2

‑Amasrɔyi, ‑e 'kitikan wlan ma, 'bhɛ 'pegee ‑lɛdɔɔleya ‑la ma! ‑E ‑kpan ‑balaa' 'gwlɛn ‑wɛɛ le 'la 'yaa‑ 'trɛ ta mɛɛ mu 'ɛ 'siɛ zii' 'ke 'bhɛ a ‑yanbhɔɔya 'flɛn 'ɛ 'le 'bhɛ ta, 'bhɛɛ‑ ‑Waanbhaa' 'a 'krowoa‑ 'bhɛ a yewonɛ mu 'ɛ dɛza 'yi.»

Romɛ 15:9

Krisi ꞊nwa 'ezin‑, 'kooko‑ Zuufu kle mu 'ɛ 'mu ‑Waanbhaa' 'tɔbhɔ‑, ‑amasrɔyi ‑e mɛɛ ‑yrɛnkla'; 'bhii‑ ‑a pele ‑o ‑Waanbhaa' a 'Sɛwɛ 'ɛ 'yi gɔnɛ‑ 'la gbɛɛn‑ dɔɔ: «'Bhɛla‑ ‑zayile, 'mi nu 'e 'tɔbhɔlɛ 'si 'bhɛɛke mu 'ɛ 'pleŋ‑; 'bhɛɛ‑ 'mi nu 'e 'tɔbhɔ ma 'sro mu 'kpalɛ‑.»

‑Yrɛ 6:10

'Bhɛ mu ‑pɛɛnna 'eglɔɔle 'ke ‑wa pe dɔɔ: «'O Zan ‑glɔɔ 'pegee 'o Zan 'weŋ, 'bhɛɛ‑ 'o Zan wlan, 'trɛ ta mu 'la ‑woo' 'o ꞊dia, 'e nu ‑kpan baalɛ 'mu ta 'o dɛza 'ɛ ‑zigo' zayi' 'waati 'ɛ ‑dela ba ɛɛ?»

‑Yrɛ 3:7

«‑Jan 'lɛɛ‑ yɔɔndɛ, 'bhɛɛ‑ 'ya kpa Zesu 'yi mu ‑lɛdo' 'la ‑woo Filadɛlifi ‑wa 'ɛ ta ‑waa' ‑mlɛkɛ' 'ɛ ni, 'bhɛɛ‑ 'ya pe a ni dɔɔ: Mɛɛ 'la zan ‑o 'weŋ, 'bhɛɛ‑ 'ke ‑yoo 'ke wlan zan 'le bhe. 'Yee‑ 'la 'ke ‑bhleŋgbe Davidi a 'fɛ 'lii 'gborobhɛ 'ɛ ‑ya 'kɔɔ bhe. 'Yee‑ 'la 'kee‑ 'fɛ 'ɛ 'liigwa‑, 'bhɛɛ‑ mɛɛ 'kedo‑ 'kpɔ 'laa sɔ ‑a ‑liitanle; 'bhɛɛ‑ 'ke ‑ya ‑liitaan mɛɛ 'kedo‑ 'kpɔ 'laa sɔ ‑a ‑liigole ‑titi, ‑e pe dɔɔ:

‑Yrɛ 16:5

‑Glɔɔya' ‑o ‑mlɛkɛ' 'la 'kɔɔ ‑yi ta, 'ŋ 'bhɛ 'weli‑ 'ɛ ꞊maa 'ke 'bhɛ ‑a pe 'zi dɔɔ: «'Bhi 'la ‑yoo, 'bhɛɛ‑ 'e 'yaa‑ 'elwale gban, 'e 'lɛdɔɔle ‑o, 'bhɛɛ‑ 'yoo‑ 'weŋ, ‑amasrɔyi 'e 'kiti 'lɛɛ‑ ꞊kaan 'lɛdɔɔleya ma.

‑Yrɛ 19:8

‑O sɔ 'pu ‑yrayra fɛɛfɛɛ do ‑naa ‑a ni 'kaa ‑e ‑ya ‑baa' 'bhɛ 'yi.» 'Bhɛ sɔ 'pu ‑yrayra 'ɛ 'bhɛ ‑le 'ke ‑Waanbhaa' a mɛɛ 'weŋ mu 'ɛ ‑o klɛza ‑lɛdɔɔle mu 'ɛ 'le.