Luki 7:5 - -JAN ꞌNRALE- ꞌSƐWƐ

⁵ ‑Amasrɔyi, ‑kɔɔa' 'klɛɛn 'ɛ 'yi mu 'ɛ ‑za sɔ a ni 'egbɛnɛle. 'Bhɛɛ‑ 'yele‑ 'o daanfɛ' 'ɛ ‑dwa.»

Luki 7:5 ပူးပေါင်းရင်းမြစ်များ

1 Zaan 3:14

‑Kɔɔ' 'a 'yaango‑ 'bhii‑ ‑kɔɔ' ‑gwa ga 'yi, 'bhɛɛ‑ ‑kɔɔ' ꞊nwa wlalɛ bole ‑yrɛ ma ‑si drɛɛ 'yi, ‑amasrɔyi ‑kɔɔ' nɛɛnɛ‑ mu ‑za sɔ ‑kɔɔ' ni. 'Bhɛɛ‑ 'ke mɛɛ 'la zan nɛɛnɛ‑ ‑za 'laa sɔ ‑a ni, 'bhɛ zan 'ɛ bole ‑o ga 'yi.

Galasi 5:6

‑Amasrɔyi, 'ke ‑kɔɔ' 'pegee Zesu Krisi 'kpale‑ ‑o do ma, 'ke ‑o ‑kɔɔ' ꞊wlaa 'klɛɛn 'yi oo, 'ke waa ‑kɔɔ' 'wlalɛ‑ 'klɛɛn 'yi oo, 'bhɛ 'laa ‑za 'kedo‑ 'kpɔ klɛ. ‑Za 'la 'bhɛ ‑o ‑a ‑yi 'eglɔɔle, 'bhɛ ‑le 'ke ‑kɔɔ' ‑kɔɔ' kpa Krisi 'yi, 'bhɛɛ‑ 'ke ‑kɔɔ' 'sɔniya 'ɛ 'yizaklɛ.

Luki 7:4

'Bhɛ 'gwlaan‑ gblaan mu 'ɛ gele 'tɛnlɛ‑ Zesu ma, 'ke ‑o 'bhɛ ‑sromabɔle dɔɔ: «'E 'zoole‑, 'yaa 'e ‑baŋgolɛ bhɔle ma mɛɛ 'lɛɛ‑ ba.

Luki 7:6

'Bhɛ klɛle 'tɛ, 'ke Zesu dɔle‑ gele ‑la 'yee‑ ‑srwase' mi 'ɛ ba ‑lɛ ma. ‑E bhɔle ‑yaa' 'fɛ 'ɛ ‑din 'waati 'la ba, 'bhɛɛ‑ 'yee‑ ‑srwase' ‑kuŋlii 'ɛ ‑ya bhɛgwlɛn mu 'ke mu winbwa‑ Zesu ta 'kaa ‑wa pe 'bhɛ ni dɔɔ: «Mɛɛzan, 'yaa 'e 'gbu 'trɛbhɔlɛ. 'Naa ‑o 'ke mɛɛ wlan 'le, ‑ayile 'mi 'gbu 'laa gelɛ 'e ta ye; 'bhɛla‑ ‑yile 'yaa sɔ nule‑ 'mi ba ‑lɛ ma. 'Duŋ‑ ‑jangɔ' do 'kpɔ 'wo, 'bhɛɛ‑ 'an yewonɛ 'ɛ nu ‑bheelɛ'.