Ebre 3:8 - -JAN ꞌNRALE- ꞌSƐWƐ

⁸ 'ka 'laa 'ka 'trɔn 'yi dɔlɛ 'eglɔɔle ‑a ma, 'bhii‑ 'ka ‑gbɔɔ mu 'a ꞊kla gɔnɛ‑ 'la gbɛɛn‑ 'ke ‑o ‑wlɛn ‑Waanbhaa' ma ‑kpe 'ɛ ta, 'bhɛɛ‑ ‑wa ‑yrɛ ‑glinna.

Ebre 3:8 ပူးပေါင်းရင်းမြစ်များ

Matie 13:15

‑Amasrɔyi, mɛɛ mu 'lɛɛ‑ ‑woo zru ‑yɔɔya' ꞊kla, 'bhɛɛ‑ ‑woo 'trɔn 'yidwa‑ 'eglɔɔle, 'bhɛ 'pegee ‑woo ‑yrɛ 'liitaan‑, ‑o 'bhɛ ꞊kla 'bhɛ gbɛɛn‑ bhe, 'kooko‑ waa yrɛ ma ye ‑o ‑yrɛbhɛ' mu 'ɛ 'le, 'bhɛ 'pegee waa ‑jan ma ‑o 'trɔn mu 'ɛ 'le, 'bhɛɛ‑ waa ‑jan 'yima‑ ‑o zru mu 'ɛ 'le, 'bhɛɛ‑ 'kooko‑ waa nu ‑o zru mu 'ɛ 'niinalɛ 'mi ‑Waanbhaa' ba, 'bhɛɛ‑ 'mi ‑o go ‑za 'yi.

1 Korɛnti 10:9

‑Kɔɔ' mu 'laa Mɛɛzan ‑yidanlɛ 'bhii‑ ‑a 'ke mu 'a ꞊kla gɔnɛ‑ 'la gbɛɛn‑. 'Bhɛɛ‑ mlɛ mu ‑o 'sɔnkpaa‑, 'bhɛɛ‑ ‑o ‑gaa.

Klɛza 19:9

'Duŋ‑ Zuufu 'ke mu ‑yaa 'mu 'trɔn 'yi dɔ 'zi 'eglɔɔle Pɔlu 'wojan‑ mu 'ɛ ma, 'bhɛɛ‑ waa ‑yaa dɔle‑ ‑a ‑la 'ke ‑woo kpa Zesu 'yi. Drɔɔn', ‑o ‑yaa 'sɔnsi zii' Pɔlu 'wojan‑ mu 'ɛ ma 'ke ‑o ‑jan 'yɔɔ‑ wo Mɛɛzan a zi 'ɛ ma mɔkpɛn' 'yrɛ ma kpataakpa. 'Bhɛla‑ ‑yile 'ke Pɔlu Zesu 'yi mu 'ɛ 'siile, 'ke ‑o 'pegee 'mu gole‑ ‑o pleŋ‑, 'bhɛɛ‑ 'ke ‑o gele‑ Tiranusi ‑a ‑laklu ‑wa 'ɛ ta. ‑E ꞊bwa ‑Waanbhaa' a ‑janwo' 'ɛ 'wole‑ ma 'bhɛ ꞊nɔɔ yi 'oo yi.

Klɛza 7:36

'Yee‑ Moizi do 'kpɔ 'ɛ 'yele‑ ‑o ‑gwa luya 'yi Ezipu 'klɛɛn 'ɛ 'yi, 'kee‑ 'sɔle‑ maza mu 'pegee 'kpeelɛni maza mu klɛ Ezipu 'klɛɛn 'ɛ 'yi, 'ke ‑yoo kan wɛyi‑ 'tɛn 'ɛ ba, 'bhɛ 'pegee ‑kpe 'ɛ ta lɛɛ mia plɛ ta.