Yuuba 9:5 - Mandinka Bible

⁵ Ate le si a noo, a ye konkoolu ñorindi, a maŋ sara dii. Aduŋ niŋ a kamfaata, a si a noo, a ye ì katiŋ-katiŋ ñoo kono.

Yuuba 9:5 ပူးပေါင်းရင်းမြစ်များ

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Yuuba 28:9

Sindirilaalu ka bere jaara baalu buntaŋ, ka konkoolu fatafata fo ì teroolu to.

Yuuba 34:25

A be londiŋ ì la baaroolu la le, a ye ì la kuwo jindi suuto kiliŋ, ì kasaarata.

Yuuba 40:11

Faŋ wara moolu juubee, i la kamfaa fijoo ye jii ì kaŋ, i ye ì la kuwo jindi.

Yuuba 41:11

Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

Jabuuroolu 114:6

Alitolu konko baalu, muŋ ne ye ali sawuŋ-sawundi ko saajiikotoŋolu, aniŋ alitolu konkoriŋolu, ko saajiiriŋolu?

Jabuuroolu 46:2

Ǹ te sila la hani niŋ bankoo jarajarata, konkoolu ye boyi baa baa kono,

Jabuuroolu 68:8

bankoo jarajarata le, saŋ fatoolu ye samaajiyo jurumi, ite Sinayi Konkoo la Alla naatoo naŋ, ite Alla, Banisirayila la Alla ñaatiliŋo la.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Nahumu 1:5

Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

Habakuki 3:6

A loota, a ye duniyaa jarajarandi, a ye a ñaa tiliŋ bankoolu la, ì jarajarata. Konko baalu, ì meeta looriŋ ñaa-wo-ñaa, ì katiŋ-katinta ñoo kono, konkoriŋ kotoolu jiita duuma, a la siloolu le mu kabiriŋ.

Jakariya 4:7

“Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”

Matiyu 21:21

Bituŋ Yeesu ye ì jaabi, “Tooñaa, m be a fo la ali ye, niŋ ali ye lannoo soto, aduŋ ali maŋ hakili fula soto, ali te ñiŋ doroŋ ke la, meŋ keta sooto suŋo la teŋ, bari hani ali ko ñiŋ bere konkoo ye ko, ‘Wutu, i ye bula baa kono,’ a be ke la wo le ñaama.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Luka 21:11

aduŋ banku jarajara baalu be ke la le. Konkoo be boyi la aniŋ alibalaa kuuraŋolu be ke la dulaa jamaa le to. Kijafara kuwolu be ke la, aniŋ taamanseeri baalu saŋo santo.

1 Korintinkoolu 13:2

Niŋ ŋa soorifeŋo soto ka Alla la kiilaariyaa kumoo fo, bari m maŋ kanoo soto, wo to m maŋ ke feŋ ti. Niŋ n ka kulloolu bee kalamuta, ŋa londoo bee soto, ŋa lannoo bee soto, meŋ ka bere konkoolu wutundi, bari m maŋ kanoo soto, wo to m maŋ ke feŋ ti.

Lankenemoo 11:13

Jee niŋ jee, banku jarajara baa keta, aduŋ saatewo la talaadaa tanjaŋo bee kasaarata. Moo wuli woorowula le faata wo banku jarajaroo kono. Bituŋ moo toomaalu mennu tuta baluuriŋ, ì silata baake, aduŋ ì ye Arijana Maariyo la semboo niŋ waroo jayi.

Lankenemoo 6:14

Ŋa saŋ fatoolu je yeemaŋ na ko kayitoo, ì ye meŋ moromoro, aduŋ konkoolu niŋ baajooyoolu bee bota ì noolu to.