Yuuba 9:24 - Mandinka Bible

²⁴ Alla ye duniyaa duŋ moo kuruŋolu le bulu. A ye kiitiikuntulaalu bee ñaalu finkindi. Niŋ Alla maŋ a ke, jumaa le ye a ke?

Yuuba 9:24 ပူးပေါင်းရင်းမြစ်များ

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

Daniyeli 4:17

“Malaayikoo tententa ka a fo ko: ‘Ñiŋ kuluuroo be taamandi la malaayika koroosirilaalu la kaŋo le la. Niŋ wo keta, duniyaa moolu bee si a loŋ ko, Mansa Tallaa le marata hadamadiŋolu la mansamarali bankoolu bee ma. Niŋ a lafita ka mansamarali bankoo dii moo-wo-moo la, a ka a dii wo le la, hani niŋ a maarii la kuwo dooyaata moolu bee kono.’ ”

Yeremiya 14:4

Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Jabuuroolu 17:14

Yaawe, ka bo niŋ i semboo la, n tanka moo halakiriŋolu ma, mennu la joo mu duniyaa kuwo doroŋ ne ti. Allamaa i ye ì soodindi jaraboo la, i ye meŋ maabo ì kamma. Allamaa ì diŋolu taa ye tambi wo la, fo too ye tu ì koomalankoolu ye.

Yuuba 32:2

Bituŋ Elihu, Barakeli Businkoo dinkewo, meŋ bota Ramu la dimbaayaa moolu kono, naata kamfaa. A kamfaata Yuuba kamma baake, kaatu a ye a je le ko, a ye a faŋo la kuwo le tooñaayandi ka tambi Alla la.

Yuuba 24:25

Niŋ ñiŋ maŋ soto, saayiŋ jumaa le si n na kuwo faniyandi noo ka a yitandi ko, n na diyaamoo mu kuma kenseŋo le ti?

Yuuba 16:11

Alla ye nte duŋ moo jawoolu le bulu, a ye n duŋ moo kuruŋolu la maroo koto.

Yuuba 12:17

Ate le ka yaamarilaa ñaamendiŋo kenseŋyandi, a ye kiitindirilaa tooleeyandi.

Esita 7:8

Kabiriŋ mansa bota naŋ a la mansabuŋo luwo to ka muru feeti buŋ baa to, a ye Hamani tara boyiriŋ siiraŋo kaŋ Esita be nonkommaariŋ meŋ kaŋ. Mansa sarita, “Fo a be ñapi la mansamusoo kaŋ ne, niŋ wo niŋ nte be buŋo kono?” Kabiriŋ ñiŋ kumoo bota mansa daa kono doroŋ, ì ye Hamani ñaadaa muuri.

Esita 6:12

Kabiriŋ wo keta, Moridekayi muruta mansa la koridaa daa to. Bari Hamani tariyaatoo seyita, a ye a kuŋo biti niikuyaa kamma la.

2 Samuweli 19:4

Mansa ye a ñaa muuri, a ye a kaŋo bula santo kumboo la. “Hee! N diŋo Abusalomu! Hee Abusalomu! N diŋo, n diŋo!”

2 Samuweli 15:30

Dawuda taata Olifu Konkoo kaŋ. A be kumboo kaŋ, a siŋ kenseŋo le mu, a ye a kuŋo muuri. Mennu be a nooma, ì bee ye ì kuŋolu muuri le, ì be kumboo kaŋ.

Yuuba 19:7

N woosiita, fitina kuwo meŋ laata n kaŋ, dankuru maŋ ke n na kuwo to. Ŋa deemaaroo ñini, bari tooñaa maŋ soto.

Yuuba 22:8

I ye i la semboo taa, aniŋ i la makaamoo ka bankoo kenoo bee taa.

Yuuba 24:12

Moolu mennu be saayaa siloo kaŋ, ì ŋuntaŋ kaŋo ka finti saatewo kono naŋ ne. Baramatoolu ka tara woosii kaŋ maakoyiroo la. Bari Alla buka ì danku.

Malaki 2:17

Ali ye Yaawe* batandi ali fokumoolu la ko, “Moolu mennu ka kuu jawoo ke, mu moo betoolu le ti Yaawe ñaa koto, aduŋ a ka kontaani ì la kuwo la le,” aniŋ ka a fo ko, “Alla lee, meŋ mu tiliŋo mansoo ti?” Saayiŋ ali ka naa a fo ko, “Ŋà a batandi ñaadii?”

Kawandilaa 4:1

Ŋa koroosiroo ke kotenke, ŋa a je toorandi kuwo meŋ be taama kaŋ ñiŋ duniyaa tiloo koto: Ŋa moo toorariŋolu ñaajiyo je le, ì maŋ sabarindilaa soto. Semboo be ì toorandilaalu le bulu, moo maŋ soto ka ì sabarindi.