Yuuba 8:19 - Mandinka Bible

¹⁹ A juubee, moo kuruŋolu la kontaanoo daŋo bee ka ke ñiŋ ne ti. Moo doolu le ka naa finti, wolu ye ì la palaasoo taa.

Yuuba 8:19 ပူးပေါင်းရင်းမြစ်များ

Yuuba 20:5

moo kuruŋolu la kontaanoo loo buka jamfa, aniŋ Alla sookilaalu la seewoo ka ke waati kuntundiŋ doroŋ ne ti?

Jabuuroolu 113:7

aduŋ a ka fuwaaroolu sikandi le ka bo fentaŋyaa kono, a ye moo bataariŋolu bondi ì la ŋayiboo kono.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

Matiyu 3:9

Ali kana a miira ali faŋ ye ko, ali mumu mu Iburayima le ti. Ŋa a fo ali ye, Alla si ñiŋ beroolu taa noo le ka ì ke Iburayima koomalankoolu ti.

Esekiyeli 17:24

Yiroolu bee be a loŋ na le ko, nte le mu Yaawe ti, meŋ ka yiri jaŋo boyi, ŋa yiri sutuŋo jaŋayandi. N ka yiri kitiŋo norondi le, ŋa yiri nororiŋo kitiŋyandi. Nte Yaawe faŋo le ye a fo, aduŋ m be a ke la le.”

Jabuuroolu 75:7

Bari Alla le ka kiitiyo teyi, a ye doo dooyandi, a ye doo warandi.

Yuuba 8:20

Alla te balaŋ na moo to, meŋ maŋ sootaari soto, aduŋ a te kuu jawu kelaalu so la semboo la.