Yuuba 7:20 - Mandinka Bible

²⁰ Niŋ ŋa junube kuwo ke, ŋa muŋ kuu le ke i la, ite hadamadiŋolu Kantalaa? Muŋ ne ye a tinna, i hameta n kamma? Fo n na kuwo keta i ye kunto dunoo le ti baŋ?

Yuuba 7:20 ပူးပေါင်းရင်းမြစ်များ

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

Yuuba 10:14

I tarata n koroosi kaŋ ne, fo m be junube kuu ke la, niŋ i ye wo je, i te yamfa la n na junube kuwo la.

Yuuba 10:2

M be a fo la Alla ye le: Kana n halaki. A fo n ye, daliiloo meŋ ye a tinna, i be n tuumi la.

Yuuba 10:6

Fo wo le ye a tinna baŋ, i be korontoriŋ ka n na boyidaa ñini, aniŋ ka n na junube kuwo kisikisi?

Yuuba 13:26

Ite le ye kuu jawoolu safee n kunto. I ye n joo n na fondinkeeyaa junube kuu baaroolu le la.

Yuuba 14:16

Wo to, i be tara la n simfaañaalu yaatee kaŋ ne, bari i te tara la n na junube kuwolu koroosi la.

Yuuba 22:5

Hanii, i la kuu kuruŋolu le siyaajawuta, aduŋ i la junube kuwolu maŋ dandulaa soto.

Yuuba 3:24

Sikisikoo le keta n na domoroo ti, n na woosiyo keta le komeŋ jiiboroo.

Yuuba 31:33

M maŋ n na junube kuu maabo, ko hadamadiŋolu dalita a la ñaameŋ, sako n si n na boyoo maabo kulloo kono.

Yuuba 33:27

Wo moo siifaa si a fo noo a mooñoolu ye le ko, “Nte ŋa junube kuwo le baara, ŋa tooñaa nakari, bari a maŋ joo n to.

Yuuba 33:9

I ko, ite maŋ sootaari soto, aduŋ i maŋ junube kuu ke, i seneyaata, aduŋ i maŋ boyi kuu ke.

Yuuba 35:3

I ye naa Alla ñininkaa ka a fo a ye ko, junube kebaliyaa, wo ye muŋ nafaa le soto?

Yuuba 35:6

Niŋ i ye junube kuwo ke, wo be Alla toora la muŋ ne la? Niŋ i la junuboo siyaata, wo be muŋ ne ke la a la?

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Jabuuroolu 21:12

I be ì ñaato kuntu la i la kalabeñoolu le la, ka ì murundi ì koo la.

Jabuuroolu 36:6

I la kiitiyolu be looriŋ tooñaa le kaŋ, ì bambanta le ko konkoolu, ì diinonta ko fankaasoo. Hee Yaawe, hadamadiŋolu bee la tankoo be ite le bulu, aniŋ daafeŋolu.

Jabuuroolu 80:4

Hee Yaawe* Alihawaa Maariyo*, janniŋ muŋ tuma le i be tara la kamfaariŋ, ka balaŋ i la moolu la duwaa jaabi la?

Niikuyaa Suukuwolu 3:12

Dannoo ka feŋo sumaŋ ñaameŋ, a ye a la kaloo saba n kamma wo le ñaama.