Yuuba 7:15 - Mandinka Bible

¹⁵ Ka n kankoroo dete ŋa faa, wo le be diyaa la nte ye. Ŋa faa, wo le be fisiyaa la nte ye ñiŋ dimoo ti.

Yuuba 7:15 ပူးပေါင်းရင်းမြစ်များ

Matiyu 27:5

Wo to le Yudas ye wo kodiforo kuntoolu fayi Alla Batudulaa Buŋo* kono. Bituŋ a taata, a ye a faŋ deŋ.

2 Samuweli 17:23

Kabiriŋ Ahitofeli ye a je ko, a la yaamaroo maŋ muta, a ye kirikewo ke a la faloo kaŋ, a taata a la buŋo to, meŋ be a la saatewo to. A ye a la kuwolu topatoo, bituŋ a ye a faŋo deŋ, a faata. Ì naata a baadee, ì ye a faamaa baadee baadeekoo meŋ to.

Lankenemoo 9:6

Wo luŋolu kono, hadamadiŋolu be saayaa ñini la le, bari ì te a je la. Ì be hame la le ka faa, bari saayaa be bori la ì la le.

Yuuba 7:14

Bari i ka silaŋo le naati n kaŋ, i ye kijafaroo laa n kaŋ, n ka jeri feŋolu mennu je siiboo kono.

Yuuba 7:16

M pasita le ka tara baluwo to, hani wo nte, n te tara la baluwo to fo fawu. M bula ŋa faa. Nte la tara baluuriŋ nafaa mu muŋ ne ti?

Yeremiya 8:3

Moo toomaalu mennu be tu la ñiŋ banku moo kuruŋolu kono, m be ì janjandi la dulaalu mennu to, saayaa le be fisiyaa la ì ye baluwo ti.” Yaawe Alihawaa Maariyo* le ye a fo.

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Yuuba 3:21

Moo meŋ tarata saayaa baturiŋ, bari a maŋ naa a kaŋ, aduŋ a tarata a ñini kaŋ komeŋ sanoo.

Yuuba 3:22

Feŋ maŋ a kontaani ka tambi ka tara kaburu dinkoo kono.

Yuuba 9:21

Sootaari te n na kuwo to ñaa-wo-ñaa, bari m maŋ ñaŋ noo m faŋ to. M pasita le ka tara baluwo to.

Kawandilaa 2:17

Ka tara baluwo to, n naata wo koŋ ne, kaatu meŋ ka ke ñiŋ duniyaa tiloo koto, a niitooroo warata m fee baake le. Ñiŋ fanaa maŋ ke feŋ ti, a ka munta le ko foño bayindoo.

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”