Yuuba 6:7 - Mandinka Bible

⁷ M maŋ lafi ka a maa. Ñiŋ domori siifaa ka nte jusoo le maa.

Yuuba 6:7 ပူးပေါင်းရင်းမြစ်များ

Daniyeli 10:3

M maŋ domori diimaa domo, sako suboo niŋ wayinoo* si bula n daa kono, aduŋ m maŋ seerandi feŋ maa m baloo la wo lookuŋ saboo muumewo kono.

Esekiyeli 4:16

A ko n ye ko, “Hadamadiŋo, m be domoroo bodulaa bee kuntu la ali ma le Yerusalaamu. Moolu be domoroo meŋ domo la, ì be a peesa la le, aduŋ ì be jiyo meŋ miŋ na, wo fanaa be sumaŋ na le. Moolu be sila la domotaa niŋ mintaa la dasoo la le.

Esekiyeli 4:14

Wo to le n ko a ye ko, “Hee Maarii Yaawe, nte nene maŋ m faŋo kosondi. Kabiriŋ n dindiŋyaa waatoo la fo ka naa tuku bii la, n nene maŋ jifoo domo, waraŋ beeyaŋ suboo, wulakono daafeŋolu ye meŋ faraŋ-faraŋ ka a faa. Aduŋ subu kondiŋo nene maŋ bula n daa kono.”

Jabuuroolu 102:9

I la kamfaa niŋ i la jusukandoo kamma la, n ka seebuutoo le domo ko domoroo, aduŋ n na miŋ feŋo niŋ n ñaajiyo le ka ñaami. I ye n sika le ka m fayi jana.

Yuuba 3:24

Sikisikoo le keta n na domoroo ti, n na woosiyo keta le komeŋ jiiboroo.

1 Mansoolu 22:27

I si a fo ì ye, nte mansa ko ì si ñiŋ kewo maabo bunjawoo kono. Ì si mbuurundiŋ niŋ jiiriŋ doroŋ dii a la fo janniŋ m be muru la naŋ kayira kono.”

1 Mansoolu 17:12

Furuyaamusoo ye a jaabi ko, “A be koyiriŋ ñaameŋ ko Yaawe be baluuriŋ ne, mbuuru te nte bulu. Fariña munku bulufaa doroŋ ne be m bulu keraŋo kono, aniŋ tuloo domandiŋ dumboo kono. M be loo kala dantaŋ ne ñini kaŋ teŋ ka a samba suwo kono, fo n si tabiroo ke n niŋ n dinkewo ye a domo. Wo koolaa konkoo si naa m̀ faa.”

Yuuba 6:6

Jumaa le si domori koontaŋo domo noo, diyaa te meŋ bala? Muŋ diyaa le be siiseekili daajiyo bala?

Yuuba 6:8

M be ñaaniriŋ, ŋa Alla daani meŋ na, a ye a ke n ye, ŋa meŋ jiki, a ye a dii n na.

Yuuba 33:20

A si ñewuŋ domoroo la, hani a lafinna domoroo, a te lafi la a la.