Yuuba 6:29 - Mandinka Bible

²⁹ Ali a daŋ wo la, ali kana kasoo fo. Ali i miira, nte be tooñaa le kaŋ hani saayiŋ.

Yuuba 6:29 ပူးပေါင်းရင်းမြစ်များ

Yuuba 17:10

Bari ali naa, ali bee, ali ye a kata kotenke! N te moo ñaamendiŋo tara la ali kono.

Malaki 3:18

Ali be naa a loŋ na le kotenke, fataŋ-fansoo meŋ be moo kuruŋolu niŋ moo tilindiŋolu teema, aniŋ Alla batulaa niŋ Alla batubaloo teema.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Yuuba 34:5

Yuuba ye ñiŋ ne yitandi ko, ate maŋ sootaari soto, Alla le balanta ka a la kuwo tooñaayandi.

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

Yuuba 10:15

Niŋ a ye a tara m boyita le, wo to kooroo boyita n kaŋ ne! Bari hani niŋ m boloota le fanaa, n te n sañoo wulindi noo la. Kaatu n dunta malu kuwo le kono, n tarata niitooroo kono.

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

Yuuba 13:18

Fo ali maŋ a je, m pareeta le ka n na kuwo keñaa yitandi. A koyita m ma le ko, m be boloo la le.

Yuuba 19:6

Fo ali maŋ ñiŋ loŋ ko, Alla faŋo le ye ñiŋ laa nte kaŋ? Ate faŋo le ye a la jaloo miniŋ n na.

Yuuba 42:1

Bituŋ Yuuba naata Yaawe* jaabi ko: