Yuuba 6:27 - Mandinka Bible

²⁷ Alitolu be alikuuroo* le faŋo ke la aliyatiimoolu la. Ali ye ñoo fuufuu ali teeriñolu la.

Yuuba 6:27 ပူးပေါင်းရင်းမြစ်များ

2 Pita 2:3

Ì la hadumoo kamma la, ì be ali la naafuloolu buusi la ali bulu niŋ faniyaa kumoolu la. Bari ì la yankankatoo be pareeriŋ ne kabiriŋ waati jaŋ koomanto, aduŋ ì la kasaaroo be ì batu kaŋ ne.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.

Nahumu 3:10

Hani wo bee, jawoolu ye a muta, a keta kelejoŋo ti. Hani dindiŋolu, ì ye ì lipaŋ-lipaŋ mbeedoolu kaŋ ne taariŋ fo ì ye ì faa. Alikuuroolu* le keta a la kee kummaayaariŋolu la kuwo to, ka ì talaa ñoo teema. A ñaatonkoolu tuta sitiriŋ neejoloolu la.

Yoweli 3:3

Ì ka alikuuroo* ke n na moolu kunna. Ì ye kambaanoolu dii cakoolu la joo ti, ì ye sunkutoolu waafi wayinoo* la ka siira a la.

Jabuuroolu 7:15

A ka jamfaa dinkoo le siŋ moo koteŋolu kamma, bituŋ a faŋo ye naa boyi wo dinkoo kono.

Yuuba 24:9

Moolu sotota, mennu ka aliyatiima dindiŋo wafu sunjoo bala ka ì taa, ka fuwaaroo la deenaanoo taa ka a ke sankayaaraŋo ti.

Yuuba 24:3

Ì ka aliyatiimoolu la faloolu suuñaa ì koto, ì ka furuyaamusoolu la ninsituuraalu taa ì bulu sankayaa ti.

Yuuba 22:9

I ka furuyaamusoolu bayi ì bulu kenseŋo, i ka aliyatiimoolu la jikiraŋo tiñaa.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Esekiyeli 22:7

Ite saatewo faŋo kono, moolu ka horomantaŋyaa tiliŋ ì wuluulaalu la, ì ka tumarankewolu nakari ì sotofeŋolu to, aniŋ ì ka tilimbaliyaa tiliŋ aliyatiimoolu niŋ furuyaamusoolu la.

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Yeremiya 18:20

Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Jabuuroolu 82:3

“Ali tiliŋo taamandi fankantaŋolu ye, aniŋ aliyatiimoolu. Ali moo toorariŋolu la boloo kanta, aniŋ fentaŋolu.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Yuuba 31:21

Niŋ n nene ka aliyatiimoo toorandi, kaatu ŋa a loŋ ko boloo be dii la nte le la,

Yuuba 31:17

N dammaa nene maŋ n na domoroo domo, n niŋ aliyatiimoolu le ka a talaa.

Yuuba 29:12

Kaatu n ka fuwaaroolu le tankandi mennu ka woosii, aniŋ aliyatiimoolu mennu maŋ maakoyilaa soto.

2 Musa 22:21

Ali kana tumarankewolu jawuyaa, waraŋ ka ì tilimbaliyaa, kaatu ali faŋolu keta nuŋ tumarankewolu le ti Misira bankoo kaŋ.