Yuuba 6:21 - Mandinka Bible

²¹ Alitolu keta nte ye le komeŋ wo jii sotodulaalu be ñaameŋ. Ali ye n na bataadaa je, ali pisaalita.

Yuuba 6:21 ပူးပေါင်းရင်းမြစ်များ

Jabuuroolu 38:11

N teeroolu niŋ n kafuñoolu jamfata n na, n na kuuraŋo kamma la. M baadiŋolu fanaa sabata n na.

2 Timoti 4:16

N na faŋ tankandi foloo nuŋ kiitiyo ñaatiliŋo la, moo-wo-moo le maŋ loo m fee. Ì bee ye m bula le. Allamaa Alla ye yamfa ì ma wo kuwo to.

Matiyu 26:56

Bari ñiŋ keta le fo annabiyomoolu la kumoolu si timma.” Wo to le saayiboolu bee ye a bula, ì borita.

Matiyu 26:31

Wo to le Yeesu ko ì ye ko, “Ñiŋ suutoo la ali bee be nte bula la le, kaatu a be safeeriŋ ne ko: ‘M be saajii kantalaa busa la le, aduŋ saajii koorewo be janjaŋ na le.’

Yeremiya 51:9

Tumarankewolu bee ko, “Ŋà a kata le ka Babiloni kendeyandi, a maŋ kendeyaa noo. Ali a tu jee, ŋà taa, moo-wo-moo ye seyi a la bankoo kaŋ, kaatu Alla ye kuluuroo meŋ laa Babiloni kaŋ, a te kuŋ na saŋo niŋ bankoo teema.”

Yesaya 2:22

Ali kana jiki hadamadiŋo la, bankumunkoo doroŋ ne mu, wo koolaa a mu muŋ ne ti?

Kuma Kotoomaalu 19:7

Niŋ fuwaaroo baadiŋo faŋo keta a konnaa ti, wo to a teeroolu la konnanteeyaa be ke la a kaŋ ñaadii le? Niŋ a suuloo be ì kaŋ, ì buka a maakoyi.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Yuuba 6:15

Bari alitolu, mennu mu n kafuñoolu ti, ali maŋ ke jiki moo ti. Ali la kuwo ye m moonee le komeŋ jiiboroo, jaa naata, a bee suusuuta.

Yuuba 6:22

Fo n nene ka a fo ali ye le baŋ, ali ye n so feŋ na, waraŋ ka n duku feŋ na, ka bo ali la fankoolu to,

Yuuba 19:19

N teeroolu bee jututa n na, n kanuntewolu yelemata n kaŋ jawuyaa siloo la.