Yuuba 6:15 - Mandinka Bible

¹⁵ Bari alitolu, mennu mu n kafuñoolu ti, ali maŋ ke jiki moo ti. Ali la kuwo ye m moonee le komeŋ jiiboroo, jaa naata, a bee suusuuta.

Yuuba 6:15 ပူးပေါင်းရင်းမြစ်များ

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Jabuuroolu 38:11

N teeroolu niŋ n kafuñoolu jamfata n na, n na kuuraŋo kamma la. M baadiŋolu fanaa sabata n na.

Jabuuroolu 41:9

Hani n teeri kendoo, n laata meŋ na, n niŋ a ka deŋ n na domoroo la, a yelemata n jawoo ti le.

Yohana 16:32

Waatoo be naa la le, aduŋ a naata le fokabaŋ, ali be janjaŋ na le, moo-wo-moo be taa a la suwo kono. Ali be n dammaa le bula la, bari hani wo, nte dammaa te tu la, kaatu m Faamaa be m fee le.

Yohana 13:18

“Nte maŋ tara diyaamu kaŋ alitolu bee la kuwo la. Ŋa mennu tomboŋ, ŋa wolu loŋ ne. Bari ñiŋ keta le, fo Kitaabu Senuŋo si timma, meŋ ko: ‘Ate meŋ niŋ nte denta n na domoroo la, a naata yelema n jawoo le ti.’

Yuuda 1:12

Ì mu moo kosoriŋolu le ti ali la kafoo la domori bendoolu to. Ì ka tara ñaaniriŋ ì faŋolu doroŋ ne la. Ì be le ko saŋ tawaloolu, foñoo ka mennu tambindi, ì buka jii dii. Ì be ko yiri dimbaloolu, tinee te mennu la katiri waatoo la. Ì wututa le, aduŋ ì faata ko siiñaa fula.

Yeremiya 30:14

Ali niŋ mennu bee be laariŋ nuŋ ñoo kaŋ, ì ñinata ali la le, ì buka hani ali hati kotenke. Ŋa ali busa ko n jawoo, ko konnantee balafaabaloo la kelendiroo, kaatu ali la boyidaa warata le, aduŋ ali la junuboolu siyaata.

Jabuuroolu 88:18

I ye a tinna le n kanuntewolu niŋ n teeroolu ye i bo n to. Diboo doroŋ ne mu n kafuñoo ti.

Yuuba 19:19

N teeroolu bee jututa n na, n kanuntewolu yelemata n kaŋ jawuyaa siloo la.

Yuuba 6:16

Waati sotota, a be faariŋ niŋ jiyo la.

Kuma Kotoomaalu 25:19

Komeŋ ñiŋ kaatibaloo waraŋ siŋ lanjuururiŋo, wo le mu teeri tilimbaloo ti, i be i jikoo loo la meŋ kaŋ bataa waatoo.

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Yuuba 11:16

I si ñina i la bataa kuwo la, i si ñina a la ko jii bondiŋo.

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Yuuba 14:11

Ko baajiyo ka jaa ñaameŋ, aniŋ boloŋo jiyo ka loo ñaameŋ, a ye jaa,

Yuuba 19:13

A ye m baadiŋolu bee jamfandi n na, n lombaalu bee keta n ye luntaŋolu ti.

Yeremiya 38:22

A fele, musoolu mennu tuta Yahuuda mansabuŋo kono, ì be ì bee le samba la banta, Babiloni mansakewo la maralilaalu ye. Wo musoolu be tara la teelindiroo la le ko: ‘I teeri kendoolu le ye i filindi, ì ye i dundi le, saayiŋ i tututa potoo mereŋo kono, ì bee borita i la.’ ”