Yuuba 6:14 - Mandinka Bible

¹⁴ Moo meŋ be niitooroo kono ka suula a teerimaalu la ŋaniya kendoolu le la. Niŋ wo nte, Alla Tallaa silaŋñaa semboo bee si baŋ a bala.

Yuuba 6:14 ပူးပေါင်းရင်းမြစ်များ

1 Musa 20:11

Iburayima ko a ye ko, “Ŋa ñiŋ ke le, kaatu nte ye a miira le ko, Alla ñaasilaŋo hani a kiliŋo maŋ tara ñiŋ dulaa to, aduŋ ì si m faa noo le n na musoo la kuwo kaŋ.

Yuuba 1:5

Feeti-wo-feeti koolaa, Yuuba si a diŋolu kumandi ka ì seneyandi Alla la karoo la. A si wuli soomandaa juunoo, a ye jani sadaalu* bo ì bee kiliŋ-kiliŋ naa ye. Yuuba ka ñiŋ ke le waati-wo-waati, kaatu a ka ñiŋ ne miira ko, a si ke noo a diŋolu ka junube kuwo ke le, waraŋ ka tooñeeroo ke Alla la karoo la lañinoo kono.

Yuuba 15:4

I ka Alla ñaasilaŋo kuwo le jindi, aniŋ i ka Alla batoo la kuwo yomfandi.

Yuuba 16:5

N daakumoo si ali wakiilindi noo le, n neŋo kumoo la diyaa ye dimoo bo ali kaŋ.

Yuuba 19:21

Ali balafaa soto n ye, n teeroolu, ali balafaa soto n ye, kaatu Alla faŋo buloo le laata n kaŋ.

Kuma Kotoomaalu 17:17

I teeroo ka tara lafiriŋ i la le waati-wo-waati, aduŋ i niŋ i baadiŋo le ka deŋ niikuyaa la.

Kuma Kotoomaalu 25:19

Komeŋ ñiŋ kaatibaloo waraŋ siŋ lanjuururiŋo, wo le mu teeri tilimbaloo ti, i be i jikoo loo la meŋ kaŋ bataa waatoo.

Jakariya 7:9

Yaawe Alihawaa Maariyo ye ñiŋ ne fo ko: “Waati jaŋ koomanto, ŋa n na moolu yaamari ñiŋ ne la ko: ‘Ali kiitii tilindiŋo londi, ali ye timinandiyaa niŋ balafaa yitandi ñoo la.

Luka 23:40

Bari kuu kuruŋ kelaa doo ye wo jalayi ko, “Fo ite maŋ sila Alla la baŋ? I maŋ a je, i be kiitii kiliŋo le kono.

Roomankoolu 12:15

Ali seewoo moolu fee, mennu be seewooriŋ. Ali kumboo moolu fee, mennu be kumboo kaŋ.

1 Korintinkoolu 12:26

Niŋ suufu kiliŋo toorata, suufoolu bee niŋ a ka toora ñoo la le. Niŋ suufu kiliŋ horomata, suufoolu bee niŋ a ka seewoo le.

2 Korintinkoolu 11:29

Niŋ baadiŋo lamfuta, nte fanaa ka lamfu le. Niŋ ì ye baadiŋ doo dundi junube kuwo to, wo ka nte faa niitoora le la.

Kalatiyankoolu 6:2

Ali ñoo la dunoo taa fo ali si Kiristu* la luwaa timmandi.

Hiburunkoolu 13:3

Ali i miira moolu la, mennu be bunjawoo kono ko niŋ ali niŋ ì be ñoo kaŋ jee le. Aduŋ ali si i miira moolu la, mennu be toora kuwolu kono ko niŋ ali niŋ ì be wo toora kiliŋo le kono.