Yuuba 5:4 - Mandinka Bible

⁴ Ì diŋolu niŋ tankoo jamfata ñoo la. Ì ye ì kiitindi tilimbaliyaa kono, moo maŋ soto, meŋ si ì kiisa a kono.

Yuuba 5:4 ပူးပေါင်းရင်းမြစ်များ

Jabuuroolu 127:5

Seewoo be kewo le ye, meŋ ye wo ñoŋ jamaa soto. A te malu la, niŋ a niŋ a jawoolu benta kiitiikuntu dulaa saatewo dundaŋ daa* to.

Jabuuroolu 119:155

Moo kuruŋolu niŋ kiisoo teemoo jamfata le, kaatu ì buka bula i la luwaalu nooma.

Amosi 5:12

Ŋa a loŋ ne, ali ye kuruŋyaa kuwolu mennu bee ke, aniŋ ali la junube kuukewo warata ñaameŋ. Ali ye moo tilindiŋolu batandi, ali ye dukoolu muta. Ali ye tooñaa nakari fuwaaroolu bulu kiitiidulaalu to.

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.

Yuuba 27:14

A diŋolu si siyaa ñaa-wo-ñaa, ì bee be faa la kele wuloo le kono, aduŋ a koomoo nene te bo la konkoo kono muk.

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yuuba 8:4

Niŋ i diŋolu ye junube kuwo ke, Alla le ye ì dundi ì la junube kuwo maasiiboo kono.

Yuuba 1:19

Kataba kiliŋ, foño baa naata ka bo keñewuloo* kono, a ye buŋo tonkoŋ naanoo bee taki. Bituŋ a boyita dindiŋolu kaŋ, ì faata. Nte doroŋ ne kanata ka naa a fo i ye.”

2 Musa 20:5

Ali kana sujudi ì ye, waraŋ ka ì batu, kaatu nte Yaawe i la Alla kiiliyaata le. N ka dindiŋolu jarabi ì la alifaalu la junuboo la le, ka taa fo ì la jamaani sabanjaŋo niŋ naaninjaŋo moolu, mennu ye n koŋ.

Yosuwa 20:4

Niŋ a maarii borita ka taa ñiŋ tankañini dulaa saatewolu to, a ñanta loo la saatewo dundaŋ daa* le to, a ye a la kuwo saata saatewo alifaalu ye. Wolu le ñanta a bula la, a ye duŋ ì la saatewo kono ka dulaa dii a la, a be sabati la daameŋ.

Yuuba 20:10

Ì faŋo buloo le be ì la fankoo seyindi la, aduŋ ì diŋolu si sadaa daani fuwaaroolu nooma.

Kuma Kotoomaalu 24:7

Ñaameŋo la kuwo warabaata toolewo ye le, saatee beŋo to, a buka feŋ soto, a be meŋ fo la.