Yuuba 5:17 - Mandinka Bible

¹⁷ Seewoo be moo la kuwo to, Alla ye meŋ londi sila tilindiŋo kaŋ. Wo kamma la, niŋ Alla Tallaa be i so kaŋ kuluwo la, kana balaŋ a la.

Yuuba 5:17 ပူးပေါင်းရင်းမြစ်များ

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Jabuuroolu 94:12

Barakoo be moo le ye ite Yaawe ka meŋ kuluu, aniŋ i ka meŋ karandi i la luwaa la.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Yankuba 5:11

Moolu mennu wakiilita, ǹ ka wolu le je barakariŋ. Ali ye Yuuba la kuwo moyi le, a keta muñalaa ti ñaameŋ. Aduŋ ali ye Maariyo la balafaa niŋ hiinoo je kuwolu to le, a ye mennu ke Yuuba ye labaŋo la.

Yeremiya 31:18

Yaawe ko: “Ŋa a moyi le famfaŋ Efurayimu be woosii kaŋ ko: ‘I ye n kuluu le komeŋ tuuraariŋ nunsoobaloo. M murundi, fo n si muru n ñaama, kaatu ite le mu Yaawe, n na Alla ti.

Yuuba 8:5

Niŋ i be Alla ñini la, aduŋ i be Alla Tallaa la hiinoo daani la,

Yuuba 11:13

Yuuba, i sondomoo bee loo Alla kaŋ, i ye i buloo laa a ye.

Yuuba 15:11

Fo ñiŋ maŋ kaañaŋ i fee baŋ, Alla faŋo ye naa ka i jusoo ñabu? Ntolu tarata diyaamu kaŋ i ye mooyaa kono niŋ ate le tooyaa la.

Yuuba 36:15

Ate Alla le ka bataa laa moo kaŋ ka ke a ye kawandi ti, a ye naa a ñaa yelendi ka bo niŋ niitoora kuwo la, fo a si tankoo soto.

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

5 Musa 8:5

Ali kana ñina ko, Yaawe ali la Alla ye ñiŋ kuluuroo laa ali kaŋ ne, ko wuluulaalu ka ì diŋolu kuluu ñaameŋ.

Jabuuroolu 118:18

Yaawe ye n kuluu jawuke le, bari a maŋ m bula ŋa faa.