Yuuba 42:5 - Mandinka Bible

⁵ N ka i la kuwo doroŋ ne moyi, bari saayiŋ n ñaa faŋo le ye i je.

Yuuba 42:5 ပူးပေါင်းရင်းမြစ်များ

Roomankoolu 10:17

Baawo lannoo ka naa ka bo niŋ kawandoo moyoo le la, aduŋ kawandoo ka naa ka bo niŋ Kiristu la kumoolu le la.

Yohana 12:45

Aduŋ moo meŋ ye nte je, wo maarii ye wo kiliŋo le je, meŋ ye n kii.

Yohana 12:41

Yesaya ye ñiŋ kumoolu fo le, kaatu a ye Yeesu la semboo niŋ waroo je le. A ye ate le la kuwo fo.

Yohana 1:18

Moo nene maŋ Alla je fo a Dinkee kiliŋo doroŋ, meŋ be ko Alla faŋo, aduŋ a be a Faamaa fee. Ate le ye moolu londi Alla la.

Yesaya 6:5

N wuurita ko, “Kooroo boyita n kaŋ ne. N kasaarata le. Kaatu nte mu moo le ti, meŋ ka junube kumoo fo, aduŋ n niŋ moolu le be siiriŋ mennu buka tooñaa kumoo fo, aduŋ n ñaa ye Mansoo je le, Yaawe Alihawaa Maariyo.”

Yesaya 6:1

Saŋo meŋ na Mansa Usiya banta, ŋa Maariyo je siiriŋ mansasiiraŋo kaŋ ne, a be sikandiriŋ santo-santo, a be kallankeeyaariŋ*. A la waramboo tuloo ye a Batudulaa kono faa le.

Yuuba 33:16

A si a moyirindi kumoolu la, ì si a masilandi ka ke a ye dandalaaroo ti.

Yuuba 4:12

Kiilaariyaa kumoo naata n kaŋ kulloo kono, ŋa a feresoo le moyi.

Yuuba 28:22

Laakira niŋ saayaa ko, itolu ka a kibaaroo moyilaa-moyi ì tuloolu le la.

Yuuba 26:14

Bari ñiŋ mu a la mansabaayaa kono kuundiŋ ne ti, ǹ ka domandiŋ doroŋ ne moyi. A semboo be le ko saŋ feteŋo, moo buka Alla la waroo daŋo loŋ noo.

Yuuba 42:6

Wo kamma la, m maluta baake m fokumoo la le. M be m boyi la buutoo kono le, aniŋ seebuutoo ka tuubiseyi.”

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.