Yuuba 41:3 - Mandinka Bible

³ Fo a si yamfoo ñini i bulu baŋ? Fo a si kuma diimaalu fo i ye baŋ?

Yuuba 41:3 ပူးပေါင်းရင်းမြစ်များ

Yesaya 30:10

Ì ka a fo jerilaalu ye le ko, “Ali kana jeroo ke kotenke!” Ì ka a fo annabiyomoolu fanaa ye le ko, “Ali kana tooñaa fo ntolu ye! Ali kuma diimaalu fo ǹ ye, ali ka neeneeri kumoo bankee ǹ ye!

Kuma Kotoomaalu 25:15

Ka bo niŋ muñoo la, moo si maralilaa neenee noo, aduŋ kuma diimaa si moo binoo kati noo le.

Kuma Kotoomaalu 18:23

Fuwaaroo ka yamfoo daani le, bari fankamaa, wo ka moo jaabi saŋarake le.

Kuma Kotoomaalu 15:1

Jaabiri diimaa ka kamfaa bayi le, bari kuma kuumaa ka kamfandiroo le ke.

Jabuuroolu 55:21

A fokumoolu ka tara laakuuriŋ ne ko feenewo ka deera ñaameŋ, fitinoo le ka tara a sondomoo kono. A la kumoolu ka tara diyaariŋ ne ko tulu seeralaa, bari ì ka sooroo ke le komeŋ hawusaroo*.

Yuuba 41:2

Fo i si juloo duŋ noo a nuŋ huwo la baŋ, waraŋ ka a ŋaaŋaa soo dooliŋo la?

Yuuba 41:4

Fo a si soŋ i ma baŋ, i ye a samba, a ye ke i ye joŋo ti fo fawu?

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

Hakayi 2:8

Yaawe Alihawaa Maariyo le ye ñiŋ fo ko, “Duniyaa kodiforoo niŋ sanoo bee mu nte le taa ti.”