Yuuba 40:9 - Mandinka Bible

⁹ Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Yuuba 40:9 ပူးပေါင်းရင်းမြစ်များ

Jabuuroolu 89:13

I buloo semboo warata le, i buloo bambanta le, i bulubaa buloo be wulindiriŋ santo le.

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

Yesaya 45:9

Kooroo boyita moo kaŋ ne, meŋ niŋ a Daamansoo ka sonka. A maarii maŋ ke feŋ ti, fo daa telendaŋolu mennu be fayiriŋ bankoo to. Fo boo ka a fo boodaalaa ye le ko, “I ka muŋ ne daa?” waraŋ, “A maŋ dadaa kuu”?

Jabuuroolu 89:10

I ye daafeŋo Rahabu toñonka le ka a kasaara. I ye i jawoolu janjandi le ka bo niŋ i semboo la.

Jabuuroolu 29:3

Yaawe kumakaŋo jiita baajiyolu kaŋ, Alla, Mansa Kallankewo bumbunta, aduŋ a kumakaŋo ye i danku fankaasoolu to.

Yuuba 23:6

Fo duŋ, ate le be kiitiyo kuwo ñiŋ ñaatonkayaa la baŋ, ka n silandi niŋ a semboo la? Bari hanii, a be i lamoyi la m fanaa la kumakaŋo la le.

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Esekiyeli 10:5

Wo malaayikoolu dampaŋo ka kuma le ko Mansa Tallaa diyaamukaŋo ka ke ñaameŋ. Hani meŋ be Batudulaa banta luwo to, a si ì dampaŋolu kumakaŋo moyi.

Yosuwa 4:24

A ye ñiŋ ke daliiloo meŋ kamma, wo le mu ñiŋ ti, duniyaa bee si a loŋ ko, Yaawe le mu Sembetiyo ti, aniŋ ali si sila Yaawe ali la Alla la waatoo bee la.’ ”

Yuuba 37:2

Ali i lamoyi Alla kumakaŋo la, a ka muluŋ ne ko saŋ feteŋo, maakaŋ baa meŋ ka bo a daa kono.

Jabuuroolu 29:4

Yaawe kumakaŋo semboo warata le, a warata, aduŋ a kaawakuuyaata.

Jabuuroolu 98:1

Ali suukuu kutoo laa Yaawe* ye, a ye kaawakuu baalu le ke. A ye nooroo ke a faŋo birisoo le la, aniŋ a sembe senuŋo.

Yesaya 52:10

Yaawe be a semboo yitandi la bankoolu bee la le, aduŋ duniyaa moolu bee be ǹ na Alla la kiisoo je la le.