Yuuba 40:19 - Mandinka Bible

¹⁹ A ñoŋ daafeŋ baa te n na daafeŋolu kono. Nte Alla meŋ mu a Daamansoo ti, nte doroŋ ne si a faa noo.

Yuuba 40:19 ပူးပေါင်းရင်းမြစ်များ

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Jabuuroolu 7:12

Niŋ moo kuruŋolu maŋ tuubiseyi, Alla be a la hawusaroo* diyaa la ì kamma le. A be a la kalandiŋo ŋaaji la le ka a parendi.

Yuuba 41:33

A ñoŋo maŋ soto duniyaa kono, daafeŋo meŋ, a maŋ silaŋo soto.

Yuuba 26:13

Alla le ka saŋo baloo seneyandi niŋ a la foñoo la. A faŋo buloo le ye saa baa faa, a tariyaata ñaa-wo-ñaa ka kana.

Yuuba 40:15

Ñiŋ daafeŋo juubee, Behemoti, ŋa meŋ daa ko ŋa i daa ñaameŋ, a ka ñaamoo le ñimi komeŋ ninsoo.

Yuuba 40:18

A kuloolu be bambandiŋ ne komeŋ jaawaloo, a siŋolu ka munta le komeŋ nee baaroo.