Yuuba 4:17 - Mandinka Bible

¹⁷ “Fo hadamadiŋo si tiliŋ noo Alla ñaa koto baŋ? Hadamadiŋo si seneyaa noo a Daamansoo ñaatiliŋo la baŋ?

Yuuba 4:17 ပူးပေါင်းရင်းမြစ်များ

Yuuba 9:2

Tooñaa-tooñaa, ŋa a loŋ ne ko, ñiŋ kumoo mu tooñaa le ti. Bari hadamadiŋo si boloo noo Alla ma ñaadii le?

Yuuba 25:4

Hadamadiŋo si tiliŋ noo Alla ñaa koto ñaadii le? Musoo ye moo meŋ wuluu, wo maarii si seneyaa noo ñaadii?

Kawandilaa 7:20

A be koyiriŋ ne lewu ko, moo tilindiŋo maŋ soto ñiŋ duniyaa kono, meŋ ka kuu betoo doroŋ ke, a nene maŋ junube kuu ke.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Jabuuroolu 143:2

Kana i la dookuulaa kiitindi, kaatu moo te keriŋ meŋ tilinta ite ñaa koto.

Lankenemoo 4:8

Wo daafeŋ baluuriŋ naanoo, ì meŋ-wo-meŋ ye dampaŋ wooro le soto. Wo dampaŋolu be faariŋ ñaalu le la, ì kara fuloo bee. Suuto tili, ì nene maŋ i dahaa ñiŋ jayiroo la ko: “Seneyaa, seneyaa, seneyaa be Maarii Alla Tallaa le fee, ate meŋ be keriŋ nuŋ, meŋ be keriŋ, aniŋ meŋ be naa la.”

Roomankoolu 9:20

Bari ite, hadamadiŋo, jumaa le mu ite ti ka kumoo murundi Alla kaŋ? Fo meŋ daata si a fo noo a daalaa ye ko, “Muŋ ne ye a tinna i ye n daa teŋ?”

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Jabuuroolu 145:17

Yaawe tilinta a kekuwolu bee le to, a ka balafaa yitandi a la keroolu bee to.

Yuuba 40:8

Ite si a fo noo baŋ, nte maŋ tiliŋ, i be nte le jalayi la baŋ, ka i faŋo la kuwo tooñaayandi?

Yuuba 35:10

Bari a hakiloo buka muru Alla kaŋ, ka a fo ko, “N Daamansoo lee, meŋ ka jikoo dii bataa waatoo kono,

Yuuba 35:2

Fo ite ye ñiŋ miira tiliŋo le ti baŋ, ka a fo ko, ite tilinta Alla ñaa koto le?

Yuuba 15:14

Hadamadiŋo mu muŋ ne ti, fo meŋ be a tinna la a be seneyaa la, musoo ye meŋ wuluu, fo meŋ be a tinna la wo be tiliŋ na?

Yuuba 14:4

Hadamadiŋo maŋ seneyaa, feŋ senuŋ si bo noo a bala ñaadii le?

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

Yuuba 4:16

Ŋa feŋ ne je looriŋ n ñaato, bari n te a fo noo la, muŋ feŋ ne mu. Deyoo be keriŋ, bituŋ n naata diyaamukaŋo moyi ko,

Yuuba 31:15

Fo ate Alla meŋ ye n daa m baamaa wuluuñaŋo kono, ate le maŋ itolu fanaa daa baŋ? Fo ate le maŋ m̀ bee daa daariñaa kiliŋo la m̀ baamaañolu kono?

Yuuba 32:22

Niŋ n daajikoo mu falikulu tentoo le ti, wo to n Daamansoo si n siyo daŋ saayiŋ.

Yuuba 36:3

N na londoo la fanoo ye a sii le, ka n Daamansoo la tiliŋo yitandi.