Yuuba 38:4 - Mandinka Bible

⁴ I be miŋ, kabiriŋ m be duniyaa daa la? A fo n ye, niŋ i ye fahaamuru ke a kuwo la.

Yuuba 38:4 ပူးပေါင်းရင်းမြစ်များ

Jabuuroolu 104:5

I ye bankoo londi a fondamaŋolu kaŋ ne, aduŋ a te wutu la a noo to muk.

Hiburunkoolu 1:10

Aduŋ a ko fanaa ko: “Ite Maariyo, biriŋ foloodulaa to, ite le ye bankoo fondamaŋo laa, saŋ fatoolu mu i buloo la daaroo ti.

Kuma Kotoomaalu 30:4

Jumaa le taata fo Arijana, a muruta naŋ? Jumaa le nene ye foñoo muta noo a buloo kono? Jumaa le ye jiyo fudi noo a la dendikoo kono? Jumaa le ye duniyaa tonkoŋ naanoo bee loo? A too ndii, aniŋ a dinkewo fanaa too ndii? A fo n ye, niŋ i ye a loŋ!

Hiburunkoolu 1:2

Bari ñiŋ luŋ labaŋolu kono, a naata diyaamu ntolu ye ka bo niŋ a Dinkewo* le la, a ye alihawaa daa ka bo niŋ meŋ na, aduŋ a ye ate le tomboŋ ka ke feŋo bee keetaalaa ti.

Jabuuroolu 102:25

Biriŋ koomanto ite le ye bankoo fondamaŋo laa, saŋ fatoolu mu i buloo la daaroo ti.

1 Musa 1:1

Foloo-foloo Alla ye saŋo aniŋ bankoo daa.

Kuma Kotoomaalu 8:22

Ñaameŋo tententa ka a fo ko: “Ka bo waati jaŋ na, Yaawe ye daaroo foloo nte le la,

1 Musa 2:4

Ñiŋ ne keta saŋo niŋ bankoo la taarikoo ti, kabiriŋ Alla ye ì daa. Kabiriŋ Yaawe* Alla ye saŋo niŋ bankoo daa,

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

Yuuba 15:7

Fo ite le mu hadamadiŋ foloo ti baŋ, meŋ wuluuta? Fo ite le foloo fintita konkoolu ñaa baŋ?

Yuuba 34:13

Jumaa le ye a marandi duniyaa la, aniŋ jumaa le ye duniyaa muumewo bee duŋ a bulu?

Yesaya 40:14

Yaawe ye jumaa le ñininkaa ka kuwolu bo a ye ñoo to? Waraŋ ka sila tilindiŋo yitandi a la? Jumaa le ye a karandi londoo la kuwo la, waraŋ ka fahaamuroo siloo yitandi a la?

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Amosi 4:13

Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Yuuba 28:25

Kabiriŋ Alla ye semboo dii foñoo la, a ye jiyo sumaŋ, a ye dandulaa ke a la,

Jabuuroolu 102:26

Ì be buruka la le, bari ite be tu la keriŋ ne. Ì bee le be kotoo la ko funtoo, ko duŋ feŋo, i ye ì faliŋ, ì ye yeemaŋ.

Kuma Kotoomaalu 3:19

Ka bo niŋ ñaameŋo le la, aniŋ fahaamuroo, Yaawe ye saŋo niŋ bankoo daa.