Yuuba 38:28 - Mandinka Bible

²⁸ Fo samaajiyo ye faa le soto baŋ, aniŋ jumaa le ye komboo wuluu meŋ ka joloŋ?

Yuuba 38:28 ပူးပေါင်းရင်းမြစ်များ

1 Musa 27:28

Allamaa Alla ye komboo jindi naŋ santo ka i la kunkoo jambandi, fo i la fiifeŋolu si kese kendeke, aniŋ i la wayini yiroolu si diŋ kendeke.

1 Musa 27:39

Wo le to a faamaa Isiyaaka naata a fo a ye ko, “I niŋ banku jambandiriŋo teemoo be jamfa la ñoo la le. Komboo te bo la ka jii, i be bankoo meŋ kaŋ.

2 Samuweli 1:21

Alitolu Kilibowa Konkoolu, Allamaa komboo kana boyi ali kaŋ sako samaa, aduŋ ali la kunkoolu kana baraka kotenke, kaatu kelejawaroolu la koteeroo* nafantaŋyaata jee le to. Sawulu la koteeroo maŋ malamala tuloo la kotenke.

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

Yuuba 29:19

N na kuwo ka muluŋ ne komeŋ yiroo, meŋ suloolu be janjandiŋ jiyo kono, komboo ka jii a buloolu kaŋ suuto-wo-suuto.

Yuuba 36:27

Ate le ka jiyo saba santo ka bo bankoo to, a ye naa a yelemandi samaajiyo ti ka bo tawaloolu bala.

Yuuba 36:28

Tawaloolu ye naa jiyo jindi naŋ, ì ye a jindi naŋ hadamadiŋo bee ye.

Yuuba 38:8

Jumaa le ye naanewolu ke baa la, kabiriŋ a fintita naŋ duniyaa kono?

Jabuuroolu 147:8

A ka saŋo bala bee ke tawaloolu le ti, a ye sanjoo jindi naŋ bankoo kaŋ, a ye ñaamoo falindi konkoolu kaŋ.

Kuma Kotoomaalu 3:20

A la londoo le ka bankoo duuma jiyo fintindi, minaayoo ka komboo jindi.

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Yeremiya 5:24

Ì buka ñiŋ miira ì sondomoolu kono ko, ‘M̀ batu ŋà sila Yaawe ǹ na Alla la, ate meŋ ka samaajiyo dii a waatoo la, samaa foloo jiyo, samaa labaŋ jiyo, ka katiri sanjaanoolu jikoo dii ǹ na.’ ”

Hoseya 14:5

M be ke la Banisirayila ye le ko komboo, a be yiriwaa la le ko koobayi firi ñiimaa, a ye suloo duŋ ko Libanooni yiroo.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Amosi 4:7

Ŋa ali bali samaa fanaa la, biriŋ sanjaanoo dasata kari saba. N ka samaa ke saatee doo to, ŋa saatee doo bali. Samaa ka ke kunku doo to, doo buka a soto, a ye jaa.

Matiyu 5:45

Ka bo niŋ wo siloo la, ali si naa ke ali Faamaa diŋolu ti, meŋ be Arijana. A ka a la tiloo mala moo jawoolu niŋ moo betoolu kaŋ ne, aduŋ a ka samaa jindi tilindiŋolu niŋ tilimbaloolu bee le kaŋ.

5 Musa 33:13

A ko Yusufa koomalankoolu la kuwo to ko, “Allamaa Yaawe neema la ali la bankoo ma, a ye neema ali ma komboo la ka bo saŋo santo, a ye neema ali ma jiyo la ka bo bankoo duuma.

5 Musa 33:28

Bituŋ Banisirayila siita tankoo kono, Yaakuba koomalankoolu siita kayiroo kono. Ali la bankoo be faariŋ siimaŋo niŋ wayinoo* le la, saŋo ka komboo tondi naŋ a kaŋ.