Yuuba 38:15 - Mandinka Bible

¹⁵ Niŋ tiloo la maloo fintita, moo kuruŋolu buka dibi soto kotenke, ì la kuruŋyaa kuu taamandoo semboo ka dubeŋ ne.

Yuuba 38:15 ပူးပေါင်းရင်းမြစ်များ

2 Mansoolu 6:18

Biriŋ Aramunkoolu wulita ka naa boyi Elisa kaŋ, a duwaata, a ko, “Yaawe, dukaree ñiŋ moolu finkindi.” Aduŋ Yaawe ye a la duwaa muta, a ye ì bee ñaalu finkindi.

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Yuuba 18:5

Tooñaa-tooñaa, moo kuruŋolu la maloo dubenta le, aduŋ ì la dimbaa te mala la.

Yuuba 24:13

Moolu be sotoriŋ ne, mennu balanta Alla la maloo ma, mennu maŋ a taaraŋ siloolu loŋ, waraŋ ka tu looriŋ ì kaŋ.

Yuuba 31:22

wo to m buloo ye kati n nonkonkuŋo to, n daboo ye farasi n dabakunkuŋo bala.

Yuuba 38:14

Soomandaa la maloo ka duniyaa faramansandi le komeŋ tampuraŋo ka faramansa potoo bala ñaameŋ, konkoolu finifinoolu ye finti naŋ komeŋ waramboo lampiri kuloolu.

Yuuba 5:14

Hani tiloo ñaama, itolu ka tara diboo le kono. Ì ka moomooroo ke tilibuloo ko ì be suutoo le kono.

Yuuba 5:15

Bari ate Alla, fuwaaroolu, a ka wolu tanka moo jawoolu neŋ jawoo ma le. Ate le ka moolu tanka, mennu be suuloo kono ka bo sembemaalu bulu.

Jabuuroolu 10:15

Moo kuruŋolu niŋ moo jawoolu semboo tiñaa. Ì jarabi ì la kuu kuruŋolu la fo a bee ye baŋ ì bala.

Jabuuroolu 37:17

Kaatu Yaawe be moo jawoolu fankoo baŋ na le, bari a be moo tilindiŋolu kanta la le.

Kuma Kotoomaalu 4:19

Bari moo kuruŋolu la siloo ka munta le ko dibi baa, ì buka a loŋ ì ka taki mennu la.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Esekiyeli 30:22

Wo kamma la, Maarii Yaawe ye ñiŋ ne fo ko: “M buloo be laa la Misira mansa Firawoona kaŋ ne, m be a buloolu kati la le, a wo bulu katiriŋo aniŋ a buloo meŋ maŋ kati, fo a la hawusaroo si joloŋ a bulu.

4 Musa 15:30

Bari niŋ moo meŋ ye i tawu ka junube kuwo ke, fo duuriŋo le mu baŋ, waraŋ tumarankee, a ye nte Yaawe sooki, wo maarii ñanta bondi la a la moolu kono le.