Yuuba 38:11 - Mandinka Bible

¹¹ Ŋa a yaamari ka loodulaa soto, a kana tambi jee la, aniŋ ŋa dandulaa ke a baliŋ sembemaalu la.

Yuuba 38:11 ပူးပေါင်းရင်းမြစ်များ

Jabuuroolu 89:9

Fankaasoo niŋ a la sembe waroo, ite le marata a ma. Niŋ a jiibaliŋolu wulita, i ka ì tenkundi le.

Kuma Kotoomaalu 8:29

Kabiriŋ a ye dandulaa dii fankaasoo la, fo baajiyo kana tambi naanewo la, biriŋ a ye duniyaa la fondamaŋo laa,

Yesaya 27:8

Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Yuuba 2:6

Yaawe ko Seetaani ye ko, “Wo to saayiŋ, a be i la maroo to, bari danko doroŋ i kana a faa.”

Jabuuroolu 76:10

Hadamadiŋolu la kamfaa i kamma, wo labaŋo be ke la i ye tenturoo le ti. Ì la kamfaa be ke la i ye ñaroo le ti.

Yuuba 1:22

Ñinnu bee keriŋo, Yuuba maŋ junube kuu ke, waraŋ ka Alla jalayi.

Yuuba 38:10

Ŋa dandulaa ke a la, ka a soroŋ kuuke, a kana waame bankoo kaŋ.

Yuuba 38:12

I nene ka fanoo kendi noo le baŋ, aniŋ ka tiloo la boo saabu noo,

Jabuuroolu 104:9

I ye naanewo dadaa, a te tambi la a la, ñiŋ kamma la a te bankoo muuri la kotenke.

Jabuuroolu 124:5

Ì be ǹ koora la le, ì ye ǹ samba, komeŋ jiibori saŋaroo.

1 Mansoolu 13:28

Bituŋ a taata, aduŋ a ye furewo ñiŋ tara fayiriŋ siloo kaŋ, faloo niŋ jatoo be looriŋ a daala. Jatoo maŋ furewo ñiŋ domo waraŋ ka ñapi faloo kaŋ.

Yuuba 26:10

A ye ñaa daŋo ke fankaasoo la, ka waati ke tiloo maloo la, aniŋ suutoo diboo.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.