Yuuba 37:6 - Mandinka Bible

⁶ Ate le ka jiyo yaamari, a kalaasi dunkuliŋ feemaamaa ye jii naŋ bankoo kaŋ, aniŋ samaajiyo ka ke famfaŋ.

Yuuba 37:6 ပူးပေါင်းရင်းမြစ်များ

Yuuba 38:22

Fo i nene ka duŋ dulaa to le baŋ, n ka kalaasi dunkuliŋ feemaa maabo daameŋ, waraŋ fo i nene ka dulaa je le baŋ, n ka saŋ beroolu maabo daameŋ?

Yuuba 36:27

Ate le ka jiyo saba santo ka bo bankoo to, a ye naa a yelemandi samaajiyo ti ka bo tawaloolu bala.

Esekiyeli 13:13

Wo kamma la, Maarii Yaawe ye ñiŋ ne fo ko: “N na kamfaa waatoo la, m be turubaadi baa le bula la naŋ, ŋa sanjiyo busa naŋ, ŋa saŋ bere baalu boyi naŋ, ka tata sansaŋo bee boyi fo a ye nunku lep.

Amosi 9:6

Ate Mansoo meŋ ye a la mansabaayaa suwo loo saŋo santo, a ye saŋo wanka duniyaa kunto santo, a ka jiyo kili santo ka bo fankaasoo kono, a ye naa a jindi naŋ duniyaa kono. Yaawe le mu a too ti.

Esekiyeli 13:11

Wo kamma la, i si a fo wo moolu ye, mennu ka wo tata sansaŋo muu niŋ lasoo la ko, sansaŋo ñiŋ be boyi la duuma le. Kaatu turubaadi baa le be fee la, sanjiyo ye boŋ naŋ aniŋ saŋ bere baalu ye boyi a kaŋ.

Kuma Kotoomaalu 28:3

Niŋ maralilaa ye fuwaaroolu mantoora, a ka muluŋ ne ko, samaa meŋ lipata, a ye fiifeŋolu bee kasaara.

Jabuuroolu 148:8

ka taa saŋ ŋalasoo niŋ saŋ beroo, komboo niŋ tawaloolu, aniŋ turubaadoo, mennu ka a la yaamaroolu taamandi, ali a jayi.

Esira 10:13

Bari moo siyaata le, aduŋ samaa le be keriŋ. Ǹ te loo noo la banta. Aduŋ ñiŋ kuwo te bo noo la ñoo to tili kiliŋ doroŋ na, waraŋ tili fula, kaatu m̀ moo jamaa le ye landatamboo ke ñiŋ kuwo to.

Esira 10:9

Bituŋ Yahuuda niŋ Benjamini kewolu bee benta Yerusalaamu saatewo to, tili saba wucoo kono. A keta kari konontonjaŋo tili muwaŋo le la. Moolu bee siita luwo le to, Alla Batudulaa Buŋo ñaatiliŋo la. Ì tarata jarajara kaŋ ne, kuwo ñiŋ kamma la, aniŋ sanji baa meŋ fanaa be ke kaŋ.

Yuuba 5:10

Ate le ka jiyo jindi bankoo kaŋ, ate le ka kunkoolu jiiboŋ.

Yuuba 28:26

a ye siloo dii samaajiyo la naŋ duniyaa kono, a ye keñaa ke samaa kumoo la.