Yuuba 37:23 - Mandinka Bible

²³ Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 37:23 ပူးပေါင်းရင်းမြစ်များ

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Yuuba 36:5

Alla mu sembetiyo ti ñaa-wo-ñaa, bari a buka jutunnayaa kuu tiliŋ moo la. A semboo warata, aduŋ a la fahaamuroo warata.

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

Esekiyeli 18:32

Moo-wo-moo la saayaa buka diyaa n ye. Ali tuubi, ali ye baluu!” Maarii Yaawe le ye a fo.

Esekiyeli 18:23

Nte Maarii Yaawe ye ñiŋ ne fo ko: Fo nte ka kontaani moo kuruŋo la saayaa la le baŋ? Hanii, n ka kontaani ñiŋ ne la, niŋ a ye a koo dii a la kuu jawu kewolu la, a ye baluu.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Yesaya 45:21

Ali a fo meŋ be ke la, ali ye a yitandi. Ali ye kuwo kacaa ñoo kaŋ. Jumaa le ye ñiŋ fo nuŋ kabiriŋ? Jumaa le ye a fo nuŋ koomanto? Fo nte Yaawe n te baŋ? Alla koteŋ te jee nte koolaa. Alla tilindiŋo niŋ kiisandirilaa doo te jee, nte dammaa le mu.

Jabuuroolu 30:5

Kaatu a la kamfaa loo mu waatindiŋ ne ti, bari a la konotodiyaa la mewo mu siyo daŋo le ti. Kumboo si tara keriŋ noo suutoo, bari seewoo ka naa le soomandaa.

Yuuba 11:7

I si Alla la kuu diinondiŋolu fintindi noo baŋ? I si Alla Tallaa la mansabaayaa waroo daŋo loŋ noo baŋ?

Hiburunkoolu 12:10

Wolu ka ǹ kuluu le, fo waatindiŋ, ko a beteyaata ì fee ñaameŋ. Bari Alla ka ǹ kuluu m̀ faŋolu la nafaa le kamma, fo ǹ si ǹ niyo soto a la seneyaa kono.

Luka 10:22

“M Faamaa ye kuwolu bee duŋ nte le bulu. Moo maŋ a loŋ, Dinkewo mu meŋ ti, fo a Faamaa doroŋ, aniŋ moo maŋ a loŋ, Faamaa mu meŋ ti, fo a Dinkewo doroŋ, aniŋ Dinkewo be moo meŋ tomboŋ na ka a londi a Faamaa la.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 66:3

Ali Alla jayi ka a fo a ye ko, “I ka kuwolu mennu ke, ì kaawakuuyaata le. I semboo warabaata le, a ye a tinna le i jawoolu ka kiripa i koto.

Jabuuroolu 65:6

Ite le ye konkoolu londi i semboo la, kaatu semboo be ite le bulu.

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Yuuba 37:19

Ǹ karandi feŋ na m̀ be meŋ fo la Alla ye. Ntolu be diboo le kono, aduŋ m̀ maŋ feŋ-wo-feŋ ne soto, ǹ si meŋ fo noo.

Yuuba 36:26

Ntolu la londoo maŋ futa ka Alla la waroo loŋ noo, aduŋ moo te a baluu saŋo yaatee noo la.

Yuuba 26:14

Bari ñiŋ mu a la mansabaayaa kono kuundiŋ ne ti, ǹ ka domandiŋ doroŋ ne moyi. A semboo be le ko saŋ feteŋo, moo buka Alla la waroo daŋo loŋ noo.

Yuuba 12:13

Bari ñaameŋo niŋ semboo be Alla le bulu, ate le mu yaamaroo diilaa ti, aniŋ fahaamuroo.

Yuuba 9:19

Niŋ ŋa semboo tiliŋ a la, ate le semboo warata n ti. Niŋ n taata kiitiyo la karoo la, jumaa le be ate samane noo la?

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

Yuuba 11:8

Alla la ñaameŋo le jamfata ka tambi saŋ fatoolu la, ite si muŋ ne ke noo? A la ñaameŋo le fanuta ka tambi laakira la, ite ye muŋ ne loŋ?

Yuuba 25:2

Kandaayaa niŋ silaŋo semboo, wo be Alla le bulu. Ate le ye kayiroo sabatindi a la Arijanoo kono santo.

Yuuba 36:3

N na londoo la fanoo ye a sii le, ka n Daamansoo la tiliŋo yitandi.

Yuuba 37:22

Alla la malamaloo ka finti naŋ bankoo maraa kara maafaŋo la le komeŋ sanoo. A la mansabaayaa meŋ ye a muruŋ-muruŋ, silaŋñaa warata le.

Kawandilaa 7:24

Feŋolu mennu bee be sotoriŋ, moo buka ì keñaa fahaamu noo, a kuwo daŋo dinkata baake. Jumaa le si a daŋo bondi noo?

Esekiyeli 33:11

Wo to, ite hadamadiŋo, a fo ì ye ko, a be koyiriŋ ñaameŋ ko nte Yaawe i Maariyo be baluuriŋ ne: Nte buka kontaani moo kuruŋo la saayaa la, bari n ka kontaani ñiŋ ne la, a ye a koo dii a la kuu jawu kewo la, a ye baluu. Banisirayilankoolu, muŋ ne ye a tinna, ali lafita ka faa? Ali ali koo dii ali la kuu jawu kewo la, ali ye baluu.” Maarii Yaawe le ye a fo.

Jabuuroolu 62:12

aduŋ Maariyo, kanu bambaloo be ite le fee. Tooñaa, i be moo-wo-moo joo la a la baaroo la le.

Jabuuroolu 145:3

Yaawe* warata le, a ñanta jayi la le famfaŋ, a la waroo tambita sumaŋo la le.