Yuuba 37:16 - Mandinka Bible

¹⁶ I ye a loŋ ne baŋ, saŋ tawaloolu be yaara kaŋ ñaameŋ? Wo mu Alla la kaawakuwo doo le ti, ate meŋ na londoo koyita fer.

Yuuba 37:16 ပူးပေါင်းရင်းမြစ်များ

Yuuba 36:4

Tooñaa-tooñaa, m fokumoolu maŋ ke faniyaa kuma ti, aduŋ i ñaa be moo le la teŋ meŋ na londoo koyita fer.

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Jabuuroolu 147:5

M̀ Maariyo warata le, a semboo warata le, a la ñaameŋo tambita sumaŋo la le.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Yuuba 36:29

Jumaa le si a fahaamu noo a ka saŋ tawaloolu feenee ñaameŋ, a ka a tinna saŋ feteŋo ka ke ñaameŋ, ka bo a la mansabaayaa palaasoo to?

Yuuba 26:8

A ye minaayoo ke samaajiyo ye keraŋo ti, hani niŋ a kuliyaata a kono ko muŋ, ì buka feteŋ a fee.

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Yuuba 37:5

Alla ka kuma le ko saŋ feteŋo, aduŋ a moyoo jaakaloo warata. A ka kuu baa jamaa le ke, m̀ buka mennu fahaamu noo.

Yuuba 37:14

Yuuba, i lamoyi ñiŋ kumoo la! Tenkuŋ, i ye miirali ke kaawakuwolu la, Alla ye mennu ke.

Yuuba 37:15

I ye a loŋ ne baŋ, Alla ye saŋ tawaloolu mara ñaameŋ, a ka saŋ ŋalasoo bondi ì bala ñaameŋ?

Yuuba 37:17

Ite ka tara tarariŋ i la duŋ feŋolu kono le, bankoo ye tara tenkundiŋ keñewula* foño kandoo kamma la.

Jabuuroolu 78:4

Ǹ te ì maabo la ǹ diŋolu ma, m̀ be ì fo la jamaani naalaa ye le, meŋ keta Yaawe* la baara kuu ñiimaalu ti, a la semboo, aniŋ a ye kaawakuwolu mennu ke.