Yuuba 37:14 - Mandinka Bible

¹⁴ Yuuba, i lamoyi ñiŋ kumoo la! Tenkuŋ, i ye miirali ke kaawakuwolu la, Alla ye mennu ke.

Yuuba 37:14 ပူးပေါင်းရင်းမြစ်များ

Jabuuroolu 111:2

Yaawe la keroolu kaawakuuyaata le. Moolu mennu bee ka seewoo ì la, ì ka lafi le ka i miira ì la.

2 Musa 14:13

Musa ye moolu jaabi ko, “Ali kana sila. Ali loo, ali ye bambaŋ, aduŋ ali be a je la le, Yaawe be ali tankandi la ñaameŋ bii. Ali ye Misirankoolu mennu je bii, ali te ì je la kotenke.

Habakuki 2:20

Bari Yaawe*, ate be a taradulaa senuŋo to le. Duniyaa moolu bee ye i deyi a ñaatiliŋo la.

Yuuba 36:24

Kana ñina ka Alla tentu a la keroo la, hadamadiŋolu ka meŋ suukuu.

Jabuuroolu 46:10

“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Yuuba 37:5

Alla ka kuma le ko saŋ feteŋo, aduŋ a moyoo jaakaloo warata. A ka kuu baa jamaa le ke, m̀ buka mennu fahaamu noo.

Yuuba 37:13

Alla le ka samaajiyo jindi naŋ duniyaa kono, tumandoo a si ke moolu ye jaraboo ti, tumandoo a ye ke ì ye neemoo ti.

Yuuba 37:15

I ye a loŋ ne baŋ, Alla ye saŋ tawaloolu mara ñaameŋ, a ka saŋ ŋalasoo bondi ì bala ñaameŋ?

Yuuba 37:16

I ye a loŋ ne baŋ, saŋ tawaloolu be yaara kaŋ ñaameŋ? Wo mu Alla la kaawakuwo doo le ti, ate meŋ na londoo koyita fer.

Kawandilaa 7:13

Alla la keroo juubee: Niŋ a ye meŋ jenkendi, jumaa le ka wo tilindi noo?