Yuuba 36:7 - Mandinka Bible

⁷ A buka ñina moo tilindiŋolu la muk, a ka ì ke le ko mansakewo meŋ tarata siiriŋ a la mansasiiraŋo kaŋ fo fawu, a niŋ kuliyaa.

Yuuba 36:7 ပူးပေါင်းရင်းမြစ်များ

Jabuuroolu 34:15

Yaawe ñaa ka tara looriŋ moo tilindiŋolu kaŋ ne, aduŋ a tuloo ka tu looriŋ ne ka ì woosiikaŋo moyi.

Jabuuroolu 33:18

Yaawe ka moolu kanta le, mennu ye a kuliyaa, mennu ye ì jikoo loo a la kanu bambaloo kaŋ.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

2 Tesalonikankoolu 3:3

Bari Maariyo foroyaata le, a be ali bambandi la le, aduŋ a be ali tankandi la Seetaanoo* ma le.

Yuuba 42:12

Yaawe naata neema Yuuba ma a la baluwo toomaa la, ka tambi a folootomaa la. A ye saajii wuli taŋ niŋ naani soto, ñonkome wuli wooro, ninsi senelaa wuli fula, aniŋ falimusu wuli kiliŋ.

Esita 10:3

Moridekayi le tarata Mansa Ahasuweru nooma. Ate le ye semboo soto Yahuudoolu bee kono, aduŋ a mooñoo Yahuudoolu ye a buuñaa le, kaatu a ka dookuu betoo le ke a la moolu ye, aduŋ a ka diyaamu le ka ì bee la kuwo topatoo.

1 Pita 3:12

Kaatu Maariyo ñaa ka tara looriŋ moo tilindiŋolu kaŋ ne, aduŋ a tuloo ka ì la duwaa moyi le, bari a ka kuu jawu kelaalu kiitindi le.”

Yuuba 1:3

A ye saajii wuli woorowula le soto, ñonkome wuli saba, ninsi senelaa wuli kiliŋ, falimusu keme luulu, aniŋ dookuulaa jamaa. Ate le keta wo tilibo maafaŋo moolu bee la fankamaa baa ti.

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

1 Musa 41:40

M be ite le marandi la n na mansabuŋo ma, aduŋ n na moolu bee be taama la i la kaŋo le la. N na mansayaa doroŋ ne be n semboo warandi la i ti.”

1 Musa 23:6

“M̀ maariyo, i lamoyi kumoolu la, m̀ be mennu fo la. Ite le mu Alla la tomboŋ moo ti ntolu kono jaŋ. I la musoo furewo baadee ǹ na baadeedulaa kendoo meŋ-wo-meŋ to. Ntolu kono, moo te balaŋ na, ka baadeedulaa dii i la, ka i la musoo furewo baadee jee.”

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

Yuuba 4:7

Saayiŋ i hakiloo duŋ moo la baŋ, moo meŋ maŋ feŋ ke, a ye halaki? Moo tilindiŋo nene ka kasaara mintoo le?

Yuuba 5:11

Ate le ka fammajiilaa la kuwo selendi santo, ate le ka seewoo dii niikuyaatoo la.

Yuuba 22:29

Ate Alla le ka faŋ wara moolu la kuwo jindi, a ye fammajiilaalu maakoyi.

Yuuba 31:4

Fo Alla maŋ tara n taaraŋ siloolu je kaŋ baŋ, n na simfaa-wo-simfaa, a be londiŋ a bee ma le?

Jabuuroolu 41:12

I ye i buloo duŋ n koto le, n na sootaaribaliyaa kaŋ, aduŋ i ye n sabatindi i fee le fo fawu.

Yesaya 22:23

“M be a pempeŋ na dulaa bambandiŋo le to ko feŋ dendulaa. Ate le be buuñaa naati la a la kaabiiloo bee ye.

Jabuuroolu 33:16

Mansa la kelediŋ kafoo la sembe waroo buka a tinna a ye nooroo ke keloo to. Kelejawaroo semboo la waroo buka a tinna a ye tanka.

Jabuuroolu 34:16

Bari a ka kuu jawu kelaalu kiitindi le, ka ì buruka fereŋ, fo moo hakili kana bula ì la.