Yuuba 36:3 - Mandinka Bible

³ N na londoo la fanoo ye a sii le, ka n Daamansoo la tiliŋo yitandi.

Yuuba 36:3 ပူးပေါင်းရင်းမြစ်များ

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

Yankuba 1:17

Soorifeŋ-wo-soorifeŋ meŋ beteyaata aniŋ meŋ timmata, ì bota naŋ m̀ Faamaa le yaa, meŋ ye malafeŋolu daa. A buka faliŋ, aduŋ a maloo te ke noo la niiniyo ti.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Daniyeli 9:14

Yaawe, wo le ye a tinna i ye waatoo parendi ka ñiŋ kasaara kuwo samba naŋ ǹ kaŋ, kaatu ite Yaawe ǹ na Alla, ka taama tiliŋo doroŋ ne la, kuwolu to i ka mennu ke. Ntolu le maŋ i la kumoo muta.

Daniyeli 9:7

Maariyo, ite doroŋ ne ka taama tiliŋo la, bari ntolu ka maloo doroŋ ne laa m̀ faŋolu kaŋ, ko a be ñaameŋ bii. Wo le keta ntolu Yahuudoolu ti, ka taa moolu mennu be siiriŋ Yerusalaamu, aniŋ Banisirayila moo toomaalu bee, i ye mennu janjandi dulaa jaŋolu niŋ dulaa sutuŋolu to. I ye wo ke le kaatu ì ye jamfaa kuwo le ke i la.

Jabuuroolu 145:17

Yaawe tilinta a kekuwolu bee le to, a ka balafaa yitandi a la keroolu bee to.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

Yuuba 32:8

Bari meŋ ye hakiloo dii hadamadiŋo la, ka fahaamuroo ke, aniŋ meŋ ye niyo dii a la, wo mu Alla Tallaa le ti.

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

Yankuba 1:5

Niŋ moo dasata ñaameŋo la ali kono, wo maarii si Alla daani, aduŋ a be ñaameŋo dii la a la le. Ate le ka diiroo ke moolu bee la a ñaama, jalayiribaliyaa kono.

Roomankoolu 9:14

Saayiŋ, ǹ si muŋ ne fo? Fo Alla ka faasaaroo ke tilimbaliyaa le kaŋ baŋ? Wo te ke noo la muk!

Matiyu 12:42

Seba musumansoo* niŋ ñiŋ jamaanoo be wuli la kiitiiluŋo la le, aduŋ a be ñiŋ jamaanoo tuumi la, kaatu a bota naŋ kabiriŋ duniyaa daŋo to ka Mansa Sulemani la ñaameŋo lamoyi. Aduŋ a juubee, meŋ na kuwo warata Sulemani ti, a fele.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Yuuba 37:23

Moo le buka futa noo Alla Tallaa dulaa ma. A semboo warata le, aniŋ a la tiliŋo. A tilinta le pet, aduŋ a buka jenke.

Yuuba 34:5

Yuuba ye ñiŋ ne yitandi ko, ate maŋ sootaari soto, Alla le balanta ka a la kuwo tooñaayandi.

Yuuba 32:2

Bituŋ Elihu, Barakeli Businkoo dinkewo, meŋ bota Ramu la dimbaayaa moolu kono, naata kamfaa. A kamfaata Yuuba kamma baake, kaatu a ye a je le ko, a ye a faŋo la kuwo le tooñaayandi ka tambi Alla la.

Yuuba 4:17

“Fo hadamadiŋo si tiliŋ noo Alla ñaa koto baŋ? Hadamadiŋo si seneyaa noo a Daamansoo ñaatiliŋo la baŋ?

Yuuba 36:2

I lamoyi m ma domandiŋ, ŋa kumoo saata i ye. Hani saayiŋ kumoo be n daa le, m be meŋ fo la Alla la karoo la.