Yuuba 34:5 - Mandinka Bible

⁵ Yuuba ye ñiŋ ne yitandi ko, ate maŋ sootaari soto, Alla le balanta ka a la kuwo tooñaayandi.

Yuuba 34:5 ပူးပေါင်းရင်းမြစ်များ

Yuuba 33:9

I ko, ite maŋ sootaari soto, aduŋ i maŋ junube kuu ke, i seneyaata, aduŋ i maŋ boyi kuu ke.

Yuuba 27:2

A be koyiriŋ ñaameŋ ko Alla be baluuriŋ ne, ate le maŋ n na kuwo tooñaa londi, aduŋ ate le ye n niyo kuyandi, bari m be n kali la ñiŋ na ko:

Yuuba 32:1

Wo le to ñiŋ kee saboo naata i dahaa ka diyaamu Yuuba ye, kaatu itolu ye ñiŋ ne je ko, ate ye a faŋ muta moo tilindiŋo le ti.

Yuuba 29:14

Tooñaa dendikamaa le ka tara dundiŋ n na, aniŋ tiliŋo warambamaa niŋ a naafamaa.

Yuuba 16:17

M maŋ fitina kuu-wo-kuu le ke, aduŋ n na Alla batoo seneyaata le.

Yuuba 11:4

Ite le ko, i fokumoo mu tooñaa le ti, i ko, i seneyaata Alla ñaa koto le.

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yuuba 9:17

A si n kasaara niŋ foño baa la, a ye n na dimoo lafaa, a te ke la daliila kaŋ ti.

Yuuba 6:29

Ali a daŋ wo la, ali kana kasoo fo. Ali i miira, nte be tooñaa le kaŋ hani saayiŋ.

Yuuba 13:18

Fo ali maŋ a je, m pareeta le ka n na kuwo keñaa yitandi. A koyita m ma le ko, m be boloo la le.

Yuuba 34:4

Ali ŋà tooñaa juubee, ali ŋà a karaŋ m̀ faŋ fee meŋ beteyaata.

Yesaya 40:27

Alitolu Banisirayilankoolu, Yaakuba koomalankoolu, muŋ ne ye a tinna, ali ka tu la woosii la ka a fo ko, “Yaawe buka ǹ na bataalu je, a ka a ñaa kaasi le, kuu tilimbaloolu ye ke ǹ na”?

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

Yuuba 19:7

N woosiita, fitina kuwo meŋ laata n kaŋ, dankuru maŋ ke n na kuwo to. Ŋa deemaaroo ñini, bari tooñaa maŋ soto.