Yuuba 33:4 - Mandinka Bible

⁴ Alla Tallaa la Nooroo le ye n daa, a ye niyo meŋ duŋ n kono, wo le ye baluwo dii n na.

Yuuba 33:4 ပူးပေါင်းရင်းမြစ်များ

Yuuba 32:8

Bari meŋ ye hakiloo dii hadamadiŋo la, ka fahaamuroo ke, aniŋ meŋ ye niyo dii a la, wo mu Alla Tallaa le ti.

1 Musa 2:7

Bituŋ Yaawe Alla naata bankumunkoo doo taa, a ye Adama daa a la. A ye baluwo niijii foñoo fee a nuŋ huwolu kono. Bituŋ Adama ye a dati ka baluu.

Yuuba 27:3

Niŋ n niyo wo be m bala, Alla ye n tu baluwo to,

1 Korintinkoolu 15:45

A be safeeriŋ wo kuwo to le ko, “Adama foloo keta niilamaa feŋo le ti.” Bari Adama labaŋo keta Nooroo le ti, meŋ ka baluwo dii.

Yuuba 10:12

I ye baluwo dii n na, i naata kanu bambaloo yitandi n na, aduŋ i la n na kuwo hakilituwo, wo le ye a tinna n tarata baluwo to.

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

Roomankoolu 8:2

kaatu Nooroo semboo, meŋ ka baluwo dii ǹ na Yeesu Kiristu kono, wo le ye m̀ firiŋ junuboo niŋ saayaa semboo bulu.

Yuuba 10:3

Nte batandoo ye muŋ nafaa le soto ite ye? Muŋ ne ye a tinna i be balaŋ na feŋo to, ite faŋo ye meŋ daa? Muŋ ne ye a tinna, i be kuruŋolu bula la, ì la feere kuwolu be ñaatotaa soto la?

Yuuba 12:10

Niilamaa feŋo bee siyo be ate le bulu, aduŋ hadamadiŋo bee fanaa niyo be ate le bulu.

Jabuuroolu 104:30

Niŋ i ye i la baluwo niijii foñoo dii ka ì daa, baluu kutoo ka soto kotenke.

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko: