Yuuba 32:13 - Mandinka Bible

¹³ Ali kana a fo ko, ali ye ñaameŋo soto le, aniŋ ko Alla doroŋ ne si Yuuba la boyidaa yitandi noo a la, a te ke noo la hadamadiŋo ti.

Yuuba 32:13 ပူးပေါင်းရင်းမြစ်များ

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

1 Korintinkoolu 3:18

Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.

Yohana 19:11

Wo to le Yeesu ye a jaabi ko, “Ite maŋ semboo soto nte kaŋ, fo niŋ a diita i la ka bo santo. Wo kamma la moo meŋ ye nte duŋ i bulu, wo le la junuboo warata.”

Jakariya 12:7

“Nte Yaawe be Yahuuda kelediŋolu le foloo maakoyi la ka a jawoolu noo. I si a je, Mansa Dawuda koomalankoolu aniŋ Yerusalaamunkoolu kana horoma ka tambi Yahuuda moo toomaalu la.

Esekiyeli 28:3

Hani ite le ñaamenta Daniyeli ti, kulloo te jee meŋ be maaboriŋ i ma.

Yesaya 48:7

Koomanto ñiŋ kuwolu maŋ tara keriŋ, bari ì be keriŋ ne saayiŋ, janniŋ bii ka sii, ali nene maŋ ñiŋ moyi. Wo to ali te a fo noo la ko, ali ye ñiŋ kuwolu loŋ ne nuŋ.

Yesaya 48:5

Wo le ye a tinna ŋa ñiŋ kuwolu fo ali ye kabiriŋ nuŋ, janniŋ ì ka sii, ŋa ì kankulaa ali ye le, fo ali kana a fo ko, ali la jalaŋolu le ye a ke, ali la babara batufeŋo aniŋ ali la nee jalaŋo le ye ì naati.

Yesaya 5:21

Kooroo be wo moolu ye, mennu ñaamenta ì faŋ fee, ì hakiloo diyaata ì faŋ fee.

Yuuba 19:21

Ali balafaa soto n ye, n teeroolu, ali balafaa soto n ye, kaatu Alla faŋo buloo le laata n kaŋ.

Yuuba 19:6

Fo ali maŋ ñiŋ loŋ ko, Alla faŋo le ye ñiŋ laa nte kaŋ? Ate faŋo le ye a la jaloo miniŋ n na.

Yuuba 12:2

Ñiŋ maŋ m moonee, alitolu le hakiloo diyaata moolu ti, alitolu le niŋ ñaameŋo be faa la ñoo la.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Yuuba 4:9

Alla ye a niijii ì kaŋ, ì faata, a la kamfaa ye ì fee jana komeŋ saafoñotoo.

Yuuba 2:10

Bari Yuuba ko a ye le ko, “I ka diyaamu le ko hakilintaŋo. Niŋ Alla neemata m̀ ma diimaa to, ŋà a taa. Wo to niŋ a ye koleyaa kuwo laa ǹ kaŋ, fo m̀ maŋ ñaŋ a taa la baŋ?” Ñinnu bee keriŋo, Yuuba maŋ hani kuu jawu kiliŋ fo Alla ma.

Yuuba 1:21

A ko, “N kenseŋo le naata ñiŋ duniyaa kono, aduŋ n kenseŋo le be taa la. Yaawe le ye a dii n na, aduŋ ate Yaawe le ye a taa. Tentoo be Yaawe ye.”

Kiitindirilaalu 7:2

Yaawe* ko Kideyoni ye ko, “Kee jamaa le be i bulu. N te Midiyaninkoolu duŋ na ì buloo kono, ì niŋ ñiŋ moo jamaa. Niŋ wo nte, Banisirayilankoolu si naa kibiri noo le ka a fo ko, ‘M̀ faŋo semboo le ye ǹ tankandi.’

1 Musa 14:23

ko, i taa mu feŋ-wo-feŋ ti, nte te wo taa la, hani niŋ a ye a tara boorajuloo le mu, waraŋ samata juloo. Niŋ wo nte, i si a fo noo ko, ite le ye nte fankamaayandi.

Yuuba 31:40

Niŋ a ye a tara n ka ñiŋ ne ke, wo to ŋaniŋolu ye faliŋ a kono, wiiti* siimaŋ kana faliŋ jee, aniŋ ñaama kenseŋo doroŋ ye faliŋ jee, baali* siimaŋ kana faliŋ a kono. Yuuba la kumakaŋo danta jaŋ ne.

Yuuba 32:12

N hakiloo bee tarata looriŋ alitolu le kaŋ, bari moo maŋ Yuuba la boyidaa yitandi noo a la. Moo te ali kono, meŋ ye a la kumoolu jaabi noo.

Yuuba 32:14

Yuuba maŋ kuma fo nte ma, nte te a jaabi noo la, ko alitolu ye a jaabi ñaameŋ.