Yuuba 31:9 - Mandinka Bible

⁹ Niŋ a ye a tara n nene ka hame n siiñoo la musoo la, ka a batu, ka dende a ye a la bundaa kooma,

Yuuba 31:9 ပူးပေါင်းရင်းမြစ်များ

Kawandilaa 7:26

Ŋa feŋ ne je, meŋ jawuyaata saayaa ti: musoo meŋ ka munta ko kutindiŋo, a sondomoo mu jaloo ti, a buloolu mu nee joloo ti. Kee meŋ be Alla ye, wo be kana la ñiŋ musoo ma le. Bari junubelaa, a be wo duŋ na a la jaloo kono le.

1 Mansoolu 11:4

Kabiriŋ Sulemani be kotoo kaŋ, a la musoolu ye a sondomoo yelemandi jalaŋolu kaŋ, aduŋ a sondomoo maŋ loo ka bambaŋ Yaawe a la Alla kaŋ, ko a faamaa Dawuda sondomoo tarata nuŋ ñaameŋ.

Kiitindirilaalu 16:5

Filisitinka maralilaalu naata ñiŋ musoo kaŋ, ì ko a ye ko, “Samuuda neenee, a ye a fo i ye, meŋ ka a semboo warandi teŋ, aniŋ m̀ be n kutu noo la a la ñaameŋ, fo ǹ si a muta noo, a ye tara ǹ na maroo to. Niŋ wo keta, ntolu bee kiliŋ-kiliŋ naa be kodiforo kuntu wuli kiliŋ keme kiliŋ ne dii la i la.”

Hoseya 7:4

Ì bee mu foroyaabaloolu le ti, ì jusoo be kandiriŋ ne ko fuuri kandoo, fuuroo meŋ kandita, fo a maŋ jari mbuuru janilaa ye a dimbaa ñori, ka bo nooniri waatoo ka taa fo janniŋ a be sele la.

Yeremiya 5:8

Ì mu suukee nunku jarabiriŋolu le ti, ì meŋ-wo-meŋ ka tara suu kuma la a siiñoo musu nooma.

Kuma Kotoomaalu 22:14

Musu jeenelaa daa mu dinka baa le ti, Yaawe be kamfaariŋ moo-wo-moo kamma, wo le be duŋ na jee.

Kuma Kotoomaalu 6:25

Kana a la ñiiñaa muta i sondomoo kono, aduŋ a la ñaakese koyoo kana i bondi i noo to.

Nehemiya 13:26

Fo ñiŋ musu siifaalu la kuwo le maŋ Banisirayila la nunto mansakewo Sulemani duŋ junube kewo to baŋ? A ñoŋ mansakee maŋ soto nuŋ banku koteŋolu bee kaŋ. Alla ye a kanu le, aduŋ Alla le ye a ke Banisirayila bee la mansa ti. Bari hani ate, bantala musoolu ye a duŋ junube kewo to le.

Kuma Kotoomaalu 7:21

Neeneeri kumoolu, a ka a filindi niŋ wolu le la, aniŋ ka a marisa kuma diyaariŋo la.

Yuuba 31:1

Ŋa ñiŋ laahidoo taa n ñaa la karoo la le ko, n te sunkutu juubee la ka hame a la.

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

5 Musa 5:21

“Ali kana ali ñaa loo moo doo la musoo kaŋ, a la buŋo, a la kenoo, a la jonkewo, a la jommusoo, a la ninsoo, a la faloo, waraŋ feŋ-wo-feŋ keta a taa ti.”

Kuma Kotoomaalu 6:27

Fo moo si dimbaa bii noo, a ye a laa a wutoo kaŋ, a maŋ a la duŋ feŋolu jani?