Yuuba 31:8 - Mandinka Bible

⁸ wo to Allamaa moo koteŋ ye n na fiifeŋolu domo, m faŋo ye mennu fii, n na fiifeŋolu ye kasaara.

Yuuba 31:8 ပူးပေါင်းရင်းမြစ်များ

3 Musa 26:16

m be ñiŋ kuwolu le ke la ali la: M be kasaaroo le jindi la ali kaŋ loodulaa kiliŋ, ka taa jankaroo, aniŋ kajewo meŋ ka ñaa dibindi, meŋ be ali suusuu la fo ali la baluwo ye baŋ. Ali si ali la fiifeŋolu fii kensenke, nafaa te tara la ali ye jee, kaatu ali jawoolu le be naa a domo la.

Mika 6:15

Ali si fiiroo ke, bari ali te a munafaŋo soto la. Ali si olifu yiridiŋolu biti, bari ali te a tuloo nafaa soto la. Ali si wayini* yiridiŋolu biti, bari ali te a jiyo miŋ na.

5 Musa 28:38

Ali si siimaŋ kese jamaa fii, bari ali be meŋ soto la jee, a daŋo si dooyaa, kaatu kuntiŋolu le be a domo la.

Jabuuroolu 109:13

Allamaa a koomoo ye buruka fereŋ. Allamaa a too kana tu jamaani naalaa kono.

Yuuba 24:6

Ì ka tara siimaŋ karaŋo la fankamaalu la kunkoolu le kono, ì ye tara wayini* yiridiŋ feefewo la ì la kankaŋolu kono.

Yuuba 20:18

Ì ye taroo bondi meŋ kunna, ì te a domo noo la. Ì te ì la safaaroo munafaŋo diyaa loŋ noo la,

Yuuba 18:19

Ì maŋ diŋ soto ka ke ì koomoo ti, hani moo kiliŋ te baluu la ì sabatidulaa to.

Yuuba 15:30

Aduŋ a te kana noo la saayaa ma. A la kuwo be muluŋ na le komeŋ yiroo, dimbaa ye meŋ buloolu buruburu, foñoo ye a firoolu bee konkoŋ a bala.

5 Musa 28:51

Ì be ali la beeyaŋolu niŋ ali la siimaŋolu bee le domo la, ì te feŋ tu la ali ye, biriŋ siimaŋ kesoo to, wayini kutoo, olifu tuloo, ali la ninsoolu, saajiyolu niŋ baalu, ì be ì bee le taa la ali bulu, ali ye labaŋ kasaara la.

Yohana 4:37

Ñiŋ kumoo mu tooñaa le ti ko, ‘Moo doo ka fiiroo ke le, doo ye katiroo ke.’

Yuuba 31:12

A si ke n ye komeŋ dimbaa, a ye n domo fo ŋa kasaara, a ye n na siimaŋ feŋolu bee jani fo ì ye baŋ fereŋ.

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.