Yuuba 31:6 - Mandinka Bible

⁶ Wo to Alla ye n na kuwo peesa tiliŋo peesarilaŋo kaŋ, a be a loŋ na le ko, n tilinta le.

Yuuba 31:6 ပူးပေါင်းရင်းမြစ်များ

Daniyeli 5:27

Peesa: A ye i peesa peesarilaŋo kaŋ ne, aduŋ a ye a je le ko, i mankita le.

Matiyu 7:23

Bari m be a koyindi la ì la le ko, ‘Nte nene maŋ ali loŋ. Ali bo m bala, alitolu kuu jawu kelaalu.’

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.

Mika 6:11

N si soŋ noo peesarilaŋ kuruŋo la kuwo la ñaadii, aniŋ sumandirilaŋ kuruŋolu?

Yesaya 26:7

Moo tilindiŋolu la siloo ka tembe le. Ite Yaawe le ka moo kendoo la siloo deerandi.

Kuma Kotoomaalu 16:11

Sumandiroo niŋ peesari tilindiŋo ka bo Yaawe le bulu, feŋ-wo-feŋ ka sumaŋ, a la dookuwo le mu.

Jabuuroolu 139:23

Kooni Alla, n kusonsoŋ ka n sondomoo kono loŋ. N kotobo ka n na miiroolu loŋ.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

Yuuba 6:2

Ŋa a jiki, n na kamfaadaa ñanta peesa la le, ka a niŋ n na bataa kuwo bee laa peesarilaŋo kaŋ.

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

Jabuuroolu 26:1

Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

Yuuba 6:3

A be koyiriŋ ne ko, ate le be kuliyaa la bankumunkoo ti. Wo le ye a tinna n daakumoolu maŋ diyaa.

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

Yuuba 32:1

Wo le to ñiŋ kee saboo naata i dahaa ka diyaamu Yuuba ye, kaatu itolu ye ñiŋ ne je ko, ate ye a faŋ muta moo tilindiŋo le ti.

Kuma Kotoomaalu 21:2

Hadamadiŋo maañaa ka muluŋ a fee le ko a tilinta le, bari Yaawe le ka sondomoo kisikisi.