Yuuba 31:5 - Mandinka Bible

⁵ Fo n nene ka taama niŋ sila jenkeriŋo le la baŋ? Fo n siŋo nene ka neeneeri sila le taa baŋ?

Yuuba 31:5 ပူးပေါင်းရင်းမြစ်များ

Kuma Kotoomaalu 12:11

Moo meŋ ka dookuwo ke kendeke a la kunkoo to, be siimaŋ jamaa soto la le, bari meŋ ka tara kuu kuntaŋo bayindi kaŋ, wo mu hakilintaŋo le ti.

Mika 2:11

Niŋ a ye a tara moo le sotota, kuma kenseŋ folaa aniŋ faniyaa folaa, meŋ be ali kawandi la ko wayinoo* be siyaa la, aniŋ dolo koteŋo, ali be laa la wo maarii le la annabiyomuyaa la.”

Esekiyeli 13:8

Wo kamma la, Maarii Yaawe ye ñiŋ ne fo ko: “Baawo ì fokumoolu niŋ ì la jeroolu bee mu faniyaa le ti, m buloo be sii la ì la le ka ì halaki.” Maarii Yaawe le ye a fo.

Yeremiya 2:5

Yaawe ye ñiŋ ne fo ko: “Ali mumuñolu ye muŋ jenke le je nte la karoo la, fo ì ye ì koo dii n na fereŋ? Ì bulata jalaŋ fuuriŋolu le nooma, fo itolu faŋolu naata fuu.

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Jabuuroolu 4:2

Janniŋ muŋ tuma le mu, alitolu moolu be tu la nte la horoma kuwo ke la n ye maloo ti, ka filibanteeyaa kanu, aniŋ ka bula faniyaa nooma? S

Yuuba 15:31

A kana a faŋ neenee ka laa feŋ kenseŋo la, nafaa te tara la a ye meŋ to.

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.

Jabuuroolu 26:4

M buka sii neeneerilaalu kono, waraŋ ka m bula bunaafayoolu fee.