Yuuba 31:4 - Mandinka Bible

⁴ Fo Alla maŋ tara n taaraŋ siloolu je kaŋ baŋ, n na simfaa-wo-simfaa, a be londiŋ a bee ma le?

Yuuba 31:4 ပူးပေါင်းရင်းမြစ်များ

Yuuba 34:21

Alla ka hadamadiŋo la taaraŋ siloolu koroosi le, a ye simfaa-wo-simfaa taa, Alla ñaa ka tara a la le.

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

Kuma Kotoomaalu 5:21

Yaawe* ye hadamadiŋo taañaa bee loŋ ne, aduŋ a ka a la siloolu bee koroosi le.

Yuuba 14:16

Wo to, i be tara la n simfaañaalu yaatee kaŋ ne, bari i te tara la n na junube kuwolu koroosi la.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Kuma Kotoomaalu 15:3

Yaawe* ka dulaalu bee le je, a ka a hakilitu moo jawoolu niŋ moo kendoolu to le.

Yeremiya 16:17

N ñaa be ì taaraŋ siloolu bee le la. Ì la kuwolu maŋ nukuŋ m ma, sako ì la kuruŋyaa si tara maaboriŋ n ñaa la jeroo ma.

1 Musa 16:13

Bituŋ Hajara ye a faŋ ñininkaa ko, “Fo tooñaa-tooñaa, ŋa Alla le je baŋ, m maŋ faa n na a jeriŋ koolaa?” Bituŋ a naata Yaawe kumandi meŋ diyaamuta a ye, “Ite mu Alla ti meŋ ye n je.”

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Yohana 1:48

Nataniyel ye a ñininkaa ko, “Ite ye nte loŋ ñaadii le?” Yeesu ye a jaabi ko, “Janniŋ Filipi ka i kumandi, waatoo meŋ na i be sooto suŋo koto, ŋa i je le.”

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

Yuuba 11:11

Ate Alla le ye loŋo ke moolu la, mennu mu moo kenseŋolu ti. Niŋ kuu kuruŋo keta, a ka tara londiŋ a la le.

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Yuuba 28:24

Kaatu ate le ka jeroo ke ka futa duniyaa daŋo ma, a ka jeroo ke feŋ-wo-feŋ na, saŋo niŋ bankoo teema.

Yuuba 31:37

M mansamaa si Alla waliŋ noo le, ŋa n kekuwolu bee seyinkaŋ a ye.

Yuuba 36:7

A buka ñina moo tilindiŋolu la muk, a ka ì ke le ko mansakewo meŋ tarata siiriŋ a la mansasiiraŋo kaŋ fo fawu, a niŋ kuliyaa.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.