Yuuba 31:34 - Mandinka Bible

³⁴ N nene maŋ sila hadamadiŋo fokumoo la, sako a la jutoo n na, ka tara bitiriŋ buŋo kono ka tu deyiriŋ.

Yuuba 31:34 ပူးပေါင်းရင်းမြစ်များ

2 Musa 23:2

Ali kana bula kafoo nooma, niŋ ì ye kuu jawoo ke, waraŋ niŋ ì ka kuma fo, meŋ ka luwaa tiñaa.

2 Korintinkoolu 5:16

Wo to ka bo saayiŋ na, m̀ buka moolu juubee ko hadamadiŋolu ka a ke ñaameŋ. Hani wo, ŋà Kiristu juubee le nuŋ ko hadamadiŋolu ka a juubee ñaameŋ, bari saayiŋ, m̀ buka ate juubee kotenke wo ñaama.

Mika 7:3

Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Yeremiya 38:19

Wo le to Mansa Sedekiya ko, “N silata Yahuuda moolu le la, mennu ye jamfaa ke ka taa Babiloninkoolu yaa. A si ke Babiloninkoolu ye n dii ì la, ì ye n tilimbaliyaa.”

Yeremiya 38:16

Bari Mansa Sedekiya kalita n ye kulloo kono le ko, “A be koyiriŋ ñaameŋ ko Yaawe be baluuriŋ ne, meŋ ye niyo dii m̀ bee la, a be koyiriŋ wo le ñaama ko n te i faa la, waraŋ ka i duŋ kewolu bulu, mennu be i niyo nooma.”

Kuma Kotoomaalu 29:25

Ka sila moo la si moo duŋ noo kuu kono le, bari moo-wo-moo laata Yaawe la, wo ka tara tankoo le kono.

Yuuba 34:19

A buka maralilaa faasaa, aduŋ a buka fankamaa la kuu selendi fuwaare kaŋ, kaatu ate le ye ì bee daa.

Yuuba 22:8

I ye i la semboo taa, aniŋ i la makaamoo ka bankoo kenoo bee taa.

Esita 4:14

Niŋ i tuta deyiriŋ ñiŋ waatoo, dahaa niŋ tankoo be bo la naŋ Yahuudoolu ye dulaa doo le to, bari ite niŋ i faamaa la dimbaayaa be kasaara la le. Jumaa le ye a loŋ? A si ke ñiŋ kuwo le ye a tinna i keta mansamusoo* ti ñiŋ waatoo, fo i si ñiŋ kuwo taamandi.”

Esita 4:11

“Mansa la dookuulaalu bee aniŋ moolu mennu be mansa la kumandaŋ mara bankoolu kaŋ, ye a loŋ ne ko kee-wo-kee waraŋ musu-wo-musu meŋ naata sutiyaa mansa la a la konotoo to, aduŋ ì maŋ a kili, mansa ye luwaa kiliŋ ne soto, wo le mu, ì ye wo maarii faa. Meŋ si i maarii kanandi, wo le mu ñiŋ ti ko, niŋ mansa ye a la sani dokoo tilindi i maarii la a ye i niyo kanandi. Aduŋ tili taŋ saba ì maŋ nte kumandi ka taa mansa yaa.”

Nehemiya 13:28

Yoyada mu Piriisi kuntiyo Eliyasibu dinkewo le ti. Yoyada dinkewo doo be jee ŋa wo bayi m bala le, kaatu a ye Samballati Horoninkoo dimmusoo le futuu.

Nehemiya 5:7

Kabiriŋ ŋa a kuwo miira kendeke, ŋa ñaatonkoolu niŋ alifaalu jalayi le. N ko ì ye ko, “Ali bee le ka lankaŋo taa ali fansuŋ moolu bulu.” Wo le to ŋa beŋ baa kumandi ka ì la kuwo bo ñoo to.

2 Musa 32:27

aduŋ a ko ì ye ko, “Yaawe Banisirayilankoolu la Alla ye ñiŋ ne fo ko, moo-wo-moo ye a la hawusaroo* siti, a ye duŋ ñiŋ daakaa dulaa kooma niŋ a ñaato, ka a baadiŋolu, a teeroolu niŋ a siiñoolu faa.”

2 Taarika 32:18

Ì tarata ñiŋ kumoolu sari kaŋ santo Hiburu kaŋo le to ka a sindi Yerusalaamunkoolu ma, mennu be saatee tata sansaŋo kaŋ santo, ka ì silandi, ka ì kijoo teyi fo itolu si saatewo ñiŋ taa noo.