Yuuba 31:30 - Mandinka Bible

³⁰ Ŋa n neŋo mara le fo n kana junube kuwo ke, ka n jawoo danka saayaa la.

Yuuba 31:30 ပူးပေါင်းရင်းမြစ်များ

1 Pita 3:9

Ali kana kuu jawoo joo niŋ kuu jawoo la, waraŋ ka nendiroo joo nendiroo la, bari wo noo to, ali Alla daani barakoo la wo maarii ye. Wo le mu kuwo ti, Alla ye ali kumandi meŋ to, fo ali fanaa si barakoo soto.

Roomankoolu 12:14

Ali neemoo duwaa moolu ye, mennu ka ali toorandi. Duwaa ì ye, bari kana ì danka.

Matiyu 5:22

Bari saayiŋ m be fo la alitolu ye, moo-wo-moo meŋ kamfaata a baadiŋo* kamma, wo maarii ñanta kiitindi la le. Aduŋ moo-wo-moo meŋ ye a baadiŋo neŋ, wo maarii ñanta taa la luwaa ñaatiliŋo la le. Aduŋ moo-wo-moo meŋ ko a baadiŋo ye ko, ‘Ite toolee’, wo maarii ñanta duŋ na Jahannaba dimbaa kono le.

Yankuba 3:6

Neŋo mu dimbaa le ti, a mu ñiŋ duniyaa tilimbaloo la jooraŋo le ti m̀ balasuufoolu kono. Ate le ka baloo bee nondi, a ka dimbaa mala ka baluwo bee kasaara, aduŋ a la wo dimbaa bota Jahannaba le.

Matiyu 12:36

Ŋa a fo ali ye, kiitiiluŋo la moolu be kiitindi la kuma kenseŋ-wo-kuma kenseŋ na le, ì ye meŋ fo ì daa la.

Kawandilaa 5:6

Kana soŋ i daa ye i duŋ junuboo to, aduŋ kana i daa laa i faŋ kaŋ ka a fo piriisoo* ye ko, “N na laahidoo taa keta m bulu lañinoo le ti.” Kana soŋ Alla ye kamfaa i kamma, i la laahidi timmandibaliyaa kamma la. A si i la dookuu feŋolu kasaara noo le.

Kawandilaa 5:2

I daa mara, i kana soŋ i sondomoo ye feŋ-wo-feŋ maa, i ye tariyaa ka a fo Alla ñaatiliŋo la. Kaatu Alla be Arijana le, ite be duniyaa. Wo kamma la i daakumoo kana siyaa.

Yuuba 5:3

Ŋa toolewolu je le ì ye suloo duŋ, bari kataba kiliŋ dankoo boyita ì la suwolu kaŋ.

Jabuuroolu 7:4

niŋ a ye a tara ŋa n teerimaa joo kuu jawoo le la, waraŋ ka n jawoo tiñaa, daliila te a la,