Yuuba 31:12 - Mandinka Bible

¹² A si ke n ye komeŋ dimbaa, a ye n domo fo ŋa kasaara, a ye n na siimaŋ feŋolu bee jani fo ì ye baŋ fereŋ.

Yuuba 31:12 ပူးပေါင်းရင်းမြစ်များ

Kuma Kotoomaalu 6:27

Fo moo si dimbaa bii noo, a ye a laa a wutoo kaŋ, a maŋ a la duŋ feŋolu jani?

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Kuma Kotoomaalu 3:33

Yaawe la dankoo be moo kuruŋo la buŋo kono le, bari a ka neemoo jindi moo kendoo ye le.

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Yuuba 20:28

Ì la bunkono feŋolu bee si kasaara, ka ì wafu naŋ Alla la kamfaa luŋo la.

Yuuba 15:30

Aduŋ a te kana noo la saayaa ma. A la kuwo be muluŋ na le komeŋ yiroo, dimbaa ye meŋ buloolu buruburu, foñoo ye a firoolu bee konkoŋ a bala.

Lankenemoo 9:11

Ì ye mansoo le soto, meŋ be marariŋ ì la, aduŋ wo mu wo dinka dambaloo le malaayikoo ti. Hiburu kaŋo to, a too mu Abadoni le ti, Jirisi kaŋo to, a mu Apolliyoni le ti.

Yuuba 31:8

wo to Allamaa moo koteŋ ye n na fiifeŋolu domo, m faŋo ye mennu fii, n na fiifeŋolu ye kasaara.