Yuuba 31:11 - Mandinka Bible

¹¹ Niŋ a ye a tara ŋa ñiŋ ne ke, wo le ñanta ke la malu kuu jawoo ti, meŋ jarita ka samba luwaa ñaatiliŋo la.

Yuuba 31:11 ပူးပေါင်းရင်းမြစ်များ

3 Musa 20:10

Niŋ kee meŋ niŋ a ñoŋ kee doo la musoo ye jeenoo ke, wo kewo niŋ wo musoo bee ñanta le ka faa.

Yuuba 31:28

Niŋ ŋa ñiŋ junube kuu siifaa ke, wo fanaa jarita le ka samba luwaa ñaatiliŋo la, kaatu m fisiriwalleeyaata Alla ma le.

1 Musa 38:24

Kari saba ñaato, ì naata a fo Yahuuda ye ko, “I bitammusoo Tamara ye cakayaa le ke, fo a ye konoo soto a la.” Bituŋ Yahuuda kumata ko, “Ali a fintindi banta ka a jani.”

Esekiyeli 16:38

M be i kiitindi la le ko musu jeenelaa, aniŋ ko moofaalaa. M be n na kiiliyaa kamfaamaa le jindi la i kaŋ ka saayaa mantooroo laa i kaŋ.

2 Musa 20:14

Ali kana jeenoo ke.

1 Musa 26:10

Abimeleki ko a ye ko, “Ite ye muŋ kuu siifaa le ke ntolu la teŋ? Moo kiliŋ niŋ i la musoo si kafu noo ntolu kono le, bituŋ jalayiroo ye naa tara ǹ kaŋ.”

1 Musa 20:9

Bituŋ Abimeleki ye Iburayima kili, a ko a ye ko, “Ite ye muŋ ne ke ntolu la? Ŋa muŋ kuu jawu le ke i la, fo i be naa ñiŋ maasiiba jawu baa samba la naŋ n kaŋ, aniŋ n na mansamarali bankoo? I ye kuu le ke n na, meŋ maŋ ñaŋ ka ke.”

1 Musa 39:9

A maŋ a faŋ wara n ti ñiŋ buŋo kono, aduŋ a maŋ feŋ siyaa n ti fo ite, kaatu i mu a la musoo le ti. Nte si ñiŋ kuu jawu baa ke noo ñaadii le, ŋa junube kuwo soto Alla la karoo la?”