Yuuba 30:25 - Mandinka Bible

²⁵ Fo nte maŋ kumboo moolu ye baŋ, mennu tarata koleyaa kono? Fo nte maŋ balafaa soto fuwaaroolu ye baŋ?

Yuuba 30:25 ပူးပေါင်းရင်းမြစ်များ

Roomankoolu 12:15

Ali seewoo moolu fee, mennu be seewooriŋ. Ali kumboo moolu fee, mennu be kumboo kaŋ.

Yeremiya 13:17

Niŋ ali maŋ soŋ ka i lamoyi, m be kali kullootoo kumboo la le, ali la faŋ waroo kamma la. N si kumboo baake, n ñaa ye jiyo buruntu, kaatu Yaawe la koorewo be taa mutoo kono le.

2 Korintinkoolu 9:9

ko a be safeeriŋ ñaameŋ ko: “A ka soorifeŋolu janjaŋ, a ka ì dii fuwaaroolu la, a la tiliŋo ka tu le fo abadaa.”

Yohana 11:35

Yeesu kumboota.

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”

Yeremiya 18:20

Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Kuma Kotoomaalu 28:8

Moo meŋ ka a la naafuloo siyandi niŋ lankaŋ tambiriŋo la, a la naafuloo be duŋ na moo le bulu, meŋ be hiinoo soto la fuwaaroolu ye.

Kuma Kotoomaalu 19:17

Moo-wo-moo beteyaata fuwaaroo fee, a ka Yaawe le julu duŋ, aduŋ a be a joo la a kebaaroo la le.

Kuma Kotoomaalu 17:5

Moo meŋ ka fuwaaroolu ñaawali, ka ì Daamansoo le sooki, meŋ ka seewoo maasiiba kuwo la, a te kana la maasiiboo ma.

Kuma Kotoomaalu 14:31

Moo meŋ ka fuwaaroolu mantoora, a ka ì Daamansoo le sooki, bari moo meŋ ye balafaa soto ì ye, wo ka Alla le buuñaa.

Kuma Kotoomaalu 14:21

Moo ka jutu a siiñoo la, wo mu junube kuwo le ti, bari barakoo be moo le ye, meŋ ka moolu maakoyi, mennu be suuloo kono.

Jabuuroolu 12:1

Hee Yaawe*, ǹ tankandi. Alla ñaasilannaa te keriŋ kotenke. Moo dankeneyaariŋolu bee le yeemanta hadamadiŋolu kono.

Yuuba 24:4

Ì ka semboo tiliŋ fentaŋolu la ka ì bali ì hakoo la. Ì ka sembetiiyaa tiliŋ fuwaaroolu la, fo ì ka bori ka maabo.

Yuuba 29:12

Kaatu n ka fuwaaroolu le tankandi mennu ka woosii, aniŋ aliyatiimoolu mennu maŋ maakoyilaa soto.

Yuuba 29:16

Nte le keta fentaŋolu faa ti, n keta tooñaa londilaa ti tumarankewolu ye.

Yuuba 31:31

N na moolu si a seedeyaa noo le ko, moo maŋ soto ì kono, meŋ buka nte la domoroo domo a faŋo sawoo la.