Yuuba 3:17 - Mandinka Bible

¹⁷ Jee to, moo kuruŋolu ka i foño toorandiroo la le, moo bataariŋolu ye dahaa soto.

Yuuba 3:17 ပူးပေါင်းရင်းမြစ်များ

Lankenemoo 14:13

Bituŋ ŋa kumakaŋo moyi naŋ saŋo santo, meŋ ye n yaamari ko, “Ñiŋ safee: ‘Barakoo be moolu le ye, mennu be faa la Maariyo noomalankayaa kono ka bo saayiŋ na.’ Noora Kuliŋo ye a tooñaayandi le ko, ‘Barakoo be itolu ye le, kaatu ì be dahaa soto la ì la kata kuu koleŋolu to le, aduŋ ì la kebaaroolu be ì nooma la le.’ ”

Yuuba 17:16

Fo n niŋ jikoo ñiŋ be taa ñoo la kaburoo kono le baŋ? Fo n niŋ a be saareŋ na ñoo la le baŋ, ka ke bankumunkoo ti?

Hiburunkoolu 4:11

Wo kamma la, ali ŋà a kata baake ka duŋ wo dahaa kono, fo moo-wo-moo kana boyi ñiŋ ñoŋ yaamari mutabaliyaa kono ko Banisirayilankoolu boyita ñaameŋ.

Hiburunkoolu 4:9

Wo to, hani saayiŋ laahidoo be Alla la moolu ye le ko, ì be dahaa soto la le, Loobula Luŋo ka meŋ taamanseeri.

Yuuba 14:13

M be lafi la ñiŋ ne la, i ye n samba laakira, ŋa tara maaboriŋ jee, fo niŋ i la kamfaa banta. Bituŋ i ye naa waatoo londi, i be kali la n na kuwo kalamuta la meŋ na.

Luka 12:4

“N teeroolu, m be a fo la ali ye, ali kana sila moolu la, mennu si balajaatoo faa noo, bari wo koolaa ì buka naa kuu koteŋ ke noo.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

2 Pita 2:8

Kaatu wo moo tilindiŋo meŋ tarata moo luwaantaŋolu kono, a ka ì la kebaaroolu mennu je luŋ-wo-luŋ, aniŋ a ka mennu moyi, wolu le keta toora baa ti a sondome tilindiŋo ye.

1 Samuweli 28:19

Yaawe be ite niŋ Banisirayilankoolu bee duŋ na Filisitinkoolu bulu le, aduŋ saama ite niŋ i dinkewolu niŋ m be tara la dulaa kiliŋ ne. Yaawe be Banisirayilankoolu la kelediŋ kafoo fanaa duŋ na Filisitinkoolu bulu le.”

Yuuba 3:16

Muŋ ne ye a tinna m maŋ wuluu, m fureemaa, ŋa baadee, komeŋ deenaanoo meŋ nene maŋ tiloo la maloo je?

Yuuba 3:18

Jee to, hani mutamoolu ka tara kayiroo le kono, ì buka ì ŋayibelaa diyaamukaŋo moyi.

Kawandilaa 4:2

N naata m miira furewo la, meŋ faata fokabaŋ, mantaa benta wo le ye, ka tambi moo la, meŋ be baluwo to, a maŋ faa foloo.

Kawandilaa 9:6

Ì la wo ñoo kanoo, ì la ñoo koŋo, ì la ñoo haasidiyaa, a fele a bee yeemanta. Itolu te nafaa-wo-nafaa le soto la kuwolu to kotenke, mennu be ke la ñiŋ duniyaa tiloo koto.