Yuuba 3:12 - Mandinka Bible

¹² Muŋ ne ye a tinna m baamaa ñoyita n kunna? Muŋ ne ye a tinna sunjoolu sotota n ye ka suusuu?

Yuuba 3:12 ပူးပေါင်းရင်းမြစ်များ

Yesaya 66:12

Kaatu Yaawe ye ñiŋ ne fo ko: “M be kayiroo feenee la Yerusalaamu ye le ko baajiyo, ŋa bankoolu la naafuloo fuumandi a ye ko woyoo. A be ali suusundi la le ko deenaanoo, a ye ali sika ka ali bambu, aniŋ ka ali tulundi a wutoo kaŋ.

1 Musa 30:3

Bituŋ Raheli ko a ye ko, “N na joŋ sunkutoo Biliha fele, i niŋ a ye kafu, fo a si diŋo wuluu n ye. M fanaa ye naa ke baa ti ka bo niŋ ate la.”

1 Musa 50:23

Yusufa baluuta le fo a ye a mumuriŋolu je Efurayimu* la karoo la. A ye a mamariŋ Makiri, Manase dinkewo, diŋolu fanaa je. Ì bee wuluuta a ñaa la le.

Yuuba 3:11

Muŋ ne ye a tinna m maŋ faa n wuluu waatoo, ŋa bo wuluuñaŋo kono doroŋ, ŋa tambi?

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.